Madam Sixty Ate (已結業)

 星期二到灣仔上關於工作上的training, lunch 有個半鐘時間，搵間坐得舒服又唔迫人的地方食個閑閒的 lunch 慰勞一下自已，記得曾到過 Madam Sixty Ate 食佢的afternoon tea，氣氛環境都唔錯。大約12：45到，客人並不多，只有3﹣4枱二人的客人，真係夠晒清靜。可以好好咁靜下看下文件。看過餐牌，我選擇咗3 courses lunch set. 首先送上餐包，個牛油好有肉味，好特別好好食，哈哈，怕肥都要揸多D。頭盤我揀咗呢個清湯，因為有sour cream的原故，飲落小小酸，我個人唔係好慣。 主菜揀咗BB雞，D肉好幼嫩，而sauce就有好香的花生味，但有D油膩，總括都好食最後甜品的芒果好鮮甜，creme brulee 甜度恰到好處，整體有好清新的感覺。好滿意。如果想搵個地方靜靜地同朋友傾下計，呢度食lunch真係唔錯，食物也很用心去做的