影片
更多
2024-08-17
128 瀏覽
一至五返完工，周末放假嘅時候去食個brunch就夠晒relaxed。食到一餐豐富、好食嘅brunch絕對可以差足電🔋中環呢間扒房New York Cut除咗恒常lunch menu，周末仲可以叫brunch，每位$698，每人有6隻生蠔、6款任叫任食嘅前菜、帶骨牛扒以及Tiramisu，另外仲可以加$98任飲紅白酒、cocktail等飲品，超滿足🤰🏻餐廳樓底高，具空間感，瑪麗蓮夢露嘅掛畫令餐廳氣氛更chic。餐廳後方仲有個小酒吧，可以同三五知己嚟品酒🥂🦪JET Fresh Oyster12隻生蠔排排坐嘅畫面認真震撼😍😍生蠔來自愛爾蘭，肉質肥美，中間帶少許creamy感，口感一流🥳食落帶恰到好處嘅海水鮮味，比起常見嘅法國、美國生蠔，呢隻質素更勝一籌😋😋配備檸檬、千島醬以及紅酒洋蔥汁，酸香嘅紅酒洋蔥汁同生蠔最夾👍🏻All You Can Eat Starter 任食前菜🥩US Prime Beef Tartare牛肉切成方塊，保留牛肉咬口。蛋汁拌勻混入洋蔥等配料嘅牛肉，令整體口感更滑😚搭配蒜香味十足嘅香脆法包一齊食，不過麵包味道有少許搶，可以分開食。🍗Corn Tempura、Japane
🦪JET Fresh Oyster
12隻生蠔排排坐嘅畫面認真震撼😍😍生蠔來自愛爾蘭，肉質肥美，中間帶少許creamy感，口感一流🥳食落帶恰到好處嘅海水鮮味，比起常見嘅法國、美國生蠔，呢隻質素更勝一籌😋😋配備檸檬、千島醬以及紅酒洋蔥汁，酸香嘅紅酒洋蔥汁同生蠔最夾👍🏻
All You Can Eat Starter 任食前菜
🥩US Prime Beef Tartare
牛肉切成方塊，保留牛肉咬口。蛋汁拌勻混入洋蔥等配料嘅牛肉，令整體口感更滑😚搭配蒜香味十足嘅香脆法包一齊食，不過麵包味道有少許搶，可以分開食。
🍗Corn Tempura、Japanese Fried Chicken、Fried Calamari
炸物做得出色👏🏻炸粉夠薄，咬落薄脆，毫無油膩感。炸粟米有驚喜😋咬開炸皮即爆開粒粒鮮甜粟米。炸雞啖啖肉又juicy💦魷魚圈比較鹹香，好彈牙。
🍝Pasta of the Day
蜆肉意粉，份量都幾多👏🏻意粉質感剛好，蜆肉飽滿，略嫌醬汁味道稍淡。
🥗Casesar Salad
清新爽脆嘅沙律菜混入刁草嘅沙律汁以及芝士碎，幾開胃😛
🥩Australian Bone in Sirloin
絕對係近期食過最高質嘅牛扒😋😋一上枱就聞到炭烤香氣🔥西冷生熟度剛剛好，有咬口之餘中間夠juicy💦側邊嘅筋位都好容易咬開，連住少許脂肪位，食落肉味好香，連骨邊嘅肉都要食埋🤪最推薦就咁食，但如果想味道豐富啲，可以點少少Bearnaise汁，以蛋黃、醋、牛油製成，酸酸地質地幾rich😙
🍫Signature Tiramisu
最後嘅甜品同樣吸睛🤩店員會端上大大盤tiramisu再即場𢳂一大匙，未食先係presentation取分🤣味道較平衡，有咖啡味但未係非常濃郁嘅程度。如果手指餅份量多少少、更濕潤就更好。
All You Can Drink package 任飲套餐
🥂House White Wine、Lemonade
Brunch加$98就可以任飲紅白酒、4款cocktail、汽水以及lemonade。呢日飲嘅白酒叫Robert Mondavi Napa Valley Chardonnay，味道偏清甜，比較易入口😛同生蠔好夾。
人均消費：$880
推介指數（10分為滿分）：8分
張貼
