雅 ‧悠蔬食

營業中

休息中

我地平時都好鍾意食素食餐廳，今次同朋友試下呢間位於尖沙咀樓上新式素菜店，以紫、白色為主題，驟眼望落去，感覺似cafe咁，裝修感覺好華麗，有別於傳統素食店！晚市更有套餐選擇，每個套餐都包括兩個前菜、一個湯、一個手捲、一個主菜同埋一個甜品。份量都唔少，性價比高。前菜係藜麥野菜松子薯球同鹵水花菇毛豆百葉豆腐，酸酸甜甜很開胃！餐湯要左雪燕椰菜花南瓜甘筍薑湯，呢款薑味突出，配搭非常健康，岩曬女士養生之選！香芒牛油果苜蓿芽手捲，店員更細心提醒，建議馬上享用以確保口感，果然咬落去紫菜非常脆口，牛油果都當做，素食店質素都唔會馬虎主食叫左黑松露椰菜花野菌意大利飯配腐皮卷，腐皮卷新鮮炸起，很脆口，意大利飯非常creamy，有高級西餐水準！牛油果新吞拿魚藜麥千層麵 - 原來牛油果熱食都唔錯，配搭新穎，估唔到菜式如此新潮，令我唔記得左呢間係素食店。最後甜品升級咗做「紫脆金迷」，係一杯香芋芭菲，加了香芋雪糕，仲有草莓、金栗、麻薯、奇亞籽同哈密瓜粒，唔少健康toppings！