銀座炎蔵燒肉

營業中

休息中

早排生日緊係要同朋友食餐好西，揀左位於D2嘅銀座炎藏燒肉，試下佢地D和牛好唔好食。餐廳都坐得幾闊落，裝修都幾摩登。而野食選擇都幾多，牛都有好多特別部位揀，另外仲有唔同肉類同主菜、小食等等，都幾多元化。今次揀左炎藏和牛「極致」6點拼盤，有足足六款牛肉，全部都係和牛，唔同部位、唔同切法，口感亦都有所不同，但係共通點都係冇筋唔會韌，充滿油脂香，點少少燒肉汁或者海鹽已經好好食。另外仲叫左日本產雞腿肉，好有雞味，雞肉亦都好嫩滑，唔錯。跟住叫左個炎藏沙律想解一解油膩感，菜非常新鮮，夠refreshing!食燒肉慣左送飯，叫左月見紫菜飯，標榜用左蘭王蛋，撈飯食勁正！叫埋杯白桃汽泡酒，夠晒滿足！整體食物質素都拍得住日本，埋單一千蚊，性價比唔錯。