影片
更多
2023-09-13
22 瀏覽
慶祝特別日子，梗係要食好野，期待左好耐嘅omakase! 餐廳喺跑馬地黃泥涌道，雖然位於跑馬地，但其實銅鑼灣站行過去都好快，只係5分鐘。餐廳有一張長型壽司吧枱，可以容納十人，裝修日式清雅，仲有個小小庭園，真係好有日本感覺。晚餐主要提供一款omakase menu: MIYABI ($1880)食物有質素，食材新鮮多元化，大滿足。切魚生握飯處理食材都係師傅親自主理，每一道菜師傅都會詳細介紹所用的食材，非常專業用心。有時食omakase會好拘謹，但今次全晚氣氛都好輕鬆，師傅好健談。前菜好似藝術品，擺盤精美，未食已經覺得好有驚喜。水雲藻山芋蓉，腐皮，一夜干，再加香脆可口炸沢蟹，可以連殼食。鱧魚清湯配梅醬，肉質爽彈，加上順菜，有一層啫喱包住口感特別。平目魚，屬於較淡味嘅魚，所以師傅特別配上酸汁，好清爽。金目鯛來自日本熱海，師傅用熱水燙過魚皮，可以連皮一齊食，入口甘香。富山縣小白蝦係師傅逐隻剝殼，非常鮮甜，再黎二食素揚小白蝦，炸到好香脆，唔洗加任何醬汁都好好食粒貝+石恒貝，可加鹽食，但唔加鹽都已經食到好鮮味，兩者肉質都好有彈性。水八爪魚觸手肉加八爪魚吸盤， 第一次食八爪魚吸盤，非常爽脆。三文魚子
晚餐主要提供一款omakase menu: MIYABI ($1880)食物有質素，食材新鮮多元化，大滿足。切魚生握飯處理食材都係師傅親自主理，每一道菜師傅都會詳細介紹所用的食材，非常專業用心。有時食omakase會好拘謹，但今次全晚氣氛都好輕鬆，師傅好健談。
前菜好似藝術品，擺盤精美，未食已經覺得好有驚喜。水雲藻山芋蓉，腐皮，一夜干，再加香脆可口炸沢蟹，可以連殼食。
鱧魚清湯配梅醬，肉質爽彈，加上順菜，有一層啫喱包住口感特別。平目魚，屬於較淡味嘅魚，所以師傅特別配上酸汁，好清爽。
金目鯛來自日本熱海，師傅用熱水燙過魚皮，可以連皮一齊食，入口甘香。
富山縣小白蝦係師傅逐隻剝殼，非常鮮甜，再黎二食素揚小白蝦，炸到好香脆，唔洗加任何醬汁都好好食
粒貝+石恒貝，可加鹽食，但唔加鹽都已經食到好鮮味，兩者肉質都好有彈性。
水八爪魚觸手肉加八爪魚吸盤， 第一次食八爪魚吸盤，非常爽脆。
三文魚子配蘿蔔蓉，三文魚子粒粒分明，咬落好爽脆。
白燒鰻魚來自靜岡縣，同平時食開嘅浦燒唔同，唔需要任何醬汁，食到鰻魚嘅油香，燒到脆身，肉質緊緻，估唔到白燒都可以咁好食。
海老真丈，即係炸白蝦丸，口感好嫩滑，完全無油膩嘅感覺。
壽司分別有:石鯛 肉質細膩 清香
秋刀 魚味濃郁
關鯖 肉質紮實
帆立貝 肉質飽滿有彈性
新墨魚 一隻墨魚一件壽司，非常彈牙
吞拿魚肉質細緻
蛇腹大拖羅 配海鹽一齊食可以提升拖羅的鮮味
霜降大拖羅 人口即溶，好重油香，味道非常濃郁。
天身醬油漬 提升魚的鮮味，有驚喜，無諗過會同大拖羅一樣好食。
海膽手卷 海膽分量好多，非常軟滑，完全無腥味
蔥吞拿魚蓉手卷 加左蔥嘅吞拿魚味道更有層次
味噌湯加左季節蔬菜同魚一齊煮，食左咁多刺身壽司飲返個湯好舒服
甜品 蜜瓜多汁香甜 十勝紅豆水羊羹清涼滑嫩。
張貼
