淥鼎記

營業中

休息中

今日嚟到觀塘嘅「淥鼎記」，地點方便，方便一班朋友嚟打邊爐！但原來除咗打邊爐之外，仲有好多其他唔同嘅嘢食😋😋今次我哋揀嘅呢個叫小寶套餐，除咗打邊爐任食之外，仲可以喺椰子雞，雞煲，酸菜魚，烤魚等等叫一個主菜，我哋最後揀咗酸菜魚。上到枱嘅時候真係冇諗過份量咁大！！入邊係超多魚，而且味道都好正宗，同出邊嘅酸菜魚專門店味道差唔多！完全係意料之外～邊爐湯底方面因為已經叫咗酸菜魚，所以就要叫個清清地嘅澳門豬骨鍋，但湯底嘅材料都完全冇手軟，用幾嚿大大嘅豬骨去熬湯，超入味🤩🤩配料方面一般邊爐有嘅配料全部應有盡有，而且菜係一份份包好好新鮮，而且感覺好衛生👍🏻飲品方面都有好多唔同嘅選擇，但係價錢都只係百幾蚊，真係非常抵，性價比極高！