Maison Du Mezze

Weekend去東涌行吓，順便去咗間朋友介紹嘅中東菜餐廳。呢間餐廳唔喺東涌市中心，要行大約10分鐘，去Sheraton嗰度。餐廳樓底好高，裝修有特色，感覺幾舒服。中東菜有好多鷹嘴豆泥Hummus，我哋要咗Hummus shamender，紅菜頭嘅顏色都幾鮮艷，配埋橄欖同橄欖油，同pita bread一齊食好正。然後點咗炭燒八爪魚，燒香嘅八爪魚淋咗好多橄欖同埋香料，味道豐富，好香好好食！Shrimp Fattech係必食推介，大蝦大隻鮮味，蝦肉爽口彈牙，yogurt sauce酸酸甜甜感覺唔會好肥膩，點pita bread又係好正。我哋見枱枱都嗌炭燒嘅嘢食，我哋叫咗shish tawook，炭燒雞肉串好惹味，有啲似印度tandoori烤雞咁嘅味道，一碟有八件，好抵食👍🏻眼闊肚窄，我哋仲叫咗牛扒，又係好大份，略為燒得熟咗少少，不過炭燒味突出，食肉獸都不能放過！呢度有幾款靚靚cocktail，打卡一流。本身仲想食個甜品，不過真係太飽😹 下次多啲人嚟可以試多啲食物。