薰居酒屋

營業中

休息中

今晚同奴才爸去咗尖東一間居酒屋食飯，叫咗好多嘢食🤤串燒、沙律、飲品真係好豐富😍隔局有啲似omakase feel，而且店員仲好好服務🍗山崎梅酒🥃比較醇厚，梅酒嘅香味好突出，帶有少少酒嘅甘甜味😋檸檬燒酎梳打🍋好清新，檸檬味好濃郁，飲落去好解渴，啱晒夏天飲。鮑魚海膽杯呢個真係好豪華！鮑魚好鮮甜，海膽嘅味道好濃郁，兩者嘅味道互相配合，真係絕配🤩上面仲有三文魚籽點綴，增加點點咸香味👍🏻蟹肉薯仔沙律🦀作為一個前菜好清新，蟹肉好鮮甜，薯仔煮得啱啱好，口感綿密🤤沙律醬嘅味道唔會太濃，反而可以帶出蟹肉同薯仔嘅鮮味😋雞肉串燒拼盤🐓每款都各有特色：免冶雞肉串嫩滑多汁點上配埋既月見汁味道一流，係食過最正既雞肉串😍；雞肉串香噴噴；雞皮串脆卜卜；胸軟骨串爽脆彈牙；雞翼串就外脆內嫩，每一款都好好味🤤豬頸肉串🐖燒得啱啱好，肉質嫩滑爽彈，而且唔會太乾。翠肉瓜串🥒雖然係比較清淡，但係好爽口，可以平衡一下其他串燒嘅油膩感。枱上有幾款調味料，覺得唔夠味可以自行調較😋醬燒飯團🍙醬汁好香但調味剛好唔會太咸，飯團嘅口感煙韌，外表燒至微脆，配埋紫菜食更正🤤雞皮餃子🥟就外脆內軟，雞皮炸到香脆，香味好突出，餃子餡料都幾豐富，味道唔錯🤤