酔々炭火燒居酒屋

營業中

休息中

尖沙咀真係好多嘢食，發掘到尖沙咀炭火燒高質數居酒屋😋好正啊，見到師傅即場燒串燒，一連串嘅動作睇到佢技術👍🏻視覺效果唔錯，而且通風系統一流，唔會有油煙味，環境舒適。鹿兒島A4和牛肉眼鹿兒島啲牛好正，脂肪比例豐富雪花狀態，睇住師傅輕輕燒幾秒反轉再燒，裏面切開仲係粉紅色雪花，脂感滿滿❤️鰻魚串魚皮燒至微焦脆卜卜，入邊魚肉油脂豐富超鍾意食。自家製免治雞肉免治雞肉軟骨精粹在於入邊有一粒粒細細嘅軟骨，有咬口。燒日本季節蠔非常推薦，雖然唔係好大隻，但係味道取勝，蠔肚飽滿，炭火燒蠔火候剛剛好唔會乾水，想嘅時候有炭火香而且飽滿。紫蘇墨魚卷如果鍾意紫蘇嘅朋友仔唔可以錯過，紫蘇獨特香氣配上彈牙粒粒墨魚卷😲上面嘅魚子粒粒飽滿咬落去係脆，整個感覺就係彈牙甲羅燒蟹蓋裡裝滿蟹膏👍🏻鹹味適中、鮮味濃郁。旁邊有已經預先塗上牛油嘅麵包埋，夾埋蟹膏勁正，視覺同味覺都好chill！白子白子好補架🙈 口感軟糯綿密，佢哋嘅獨特鮮香，非常吸引我。底部有少少酸甜嘅醬汁，可以中和白子濃厚香氣，佢哋嘅白子經過輕輕火炙，依然保持香滑，食完之後仲有少少湯汁可以飲。明太子玉子燒超級推薦，玉子上面鋪滿明太子沙律醬，鹹鹹香香超好吃！