紅磡冰室 (已結業)

喺理工讀書嘅朋友成日介紹呢間餐廳俾我，話係理工飯堂。其實紅磡都不乏好嘢食，到底點解會特別推薦呢間呢？就咁睇個餐牌，入面啲嘢食都係一般茶餐廳嘅嘢食，湯麵、炒蛋、烘麵包，我就嗌咗個常餐B，食瑞士雞翼撈公仔麵、嫩滑炒蛋同香烤蒜蓉包呢度嘅撈公仔麵煮得好乾爽，啲公仔麵一啲都冇煮得太耐，仲係好爽口，啱晒啲鍾意食硬麵嘅朋友。瑞士雞翼好入味，入面啲肉都有瑞士汁嘅味道，啲肉都好嫩唔會好韌呢度嘅亂炒滑蛋都係比較重蛋汁，份量都多。香烤蒜蓉包就唔夠脆，可能係一時失手，因為之後再去其他分店都係勁香脆嘅，個蒜蓉味好濃好正，食完包保你口臭😆聽朋友講紅磡有好多間分店，佢比較推介另一間分店，自己食過都覺得係嗰間好味啲，但其實都相差唔遠，都係好食。自己覺得佢咁多人食就係因為佢係高質嘅茶記！