影片
更多
2024-12-04
523 瀏覽
🍴高質西餐廳今日專程去咗中環嘅NEW YORK CUT慶祝結婚周年紀念日，咁O岩呢間餐廳最近慶祝開業一週年，推出咗期間限定嘅周年Menu，仲有超級吸引嘅晚市優惠——四人同行有一人免費(即買四送一)！無論係週一至日嘅Dinner定Weekend Brunch，價錢都平到令人難以置信，平時一份牛扒嘅價錢，依家已經可以享用整個高質餐單！優惠會持續至明年2月中，真係要趁機快啲book位！聽經理介紹Weekend Brunch，牛扒竟然可以 任食，下次一定要試下！🍞 Black Sesame Baguette & Focaccia單係麵包已經好有誠意！法包外皮薄脆，內裏鬆軟，令人一試難忘；佛卡夏亦充滿香草氣息，暖笠笠地送上，推介點埋佢嘅蒜油，味道更升一級！🍈 Parma Ham and Melon帕爾馬火腿鹹香濃郁，切片薄易入口，配埋清甜多汁嘅蜜瓜一齊食，鹹甜平衡得宜，入口即化，瞬間消解咗火腿嘅油膩感，係一道清新又高雅嘅前菜。🍳 Pan-Seared Foie Gras鵝肝煎得外脆內嫩，厚薄度啱啱好，入口即溶，配埋甜美嘅無花果，味道平衡得非常好。底部嘅多士亦係亮點，香脆而不過硬，承托住鵝肝嘅油香
今日專程去咗中環嘅NEW YORK CUT慶祝結婚周年紀念日，咁O岩呢間餐廳最近慶祝開業一週年，推出咗期間限定嘅周年Menu，仲有超級吸引嘅晚市優惠——四人同行有一人免費(即買四送一)！無論係週一至日嘅Dinner定Weekend Brunch，價錢都平到令人難以置信，平時一份牛扒嘅價錢，依家已經可以享用整個高質餐單！優惠會持續至明年2月中，真係要趁機快啲book位！聽經理介紹Weekend Brunch，牛扒竟然可以 任食，下次一定要試下！
🍞 Black Sesame Baguette & Focaccia
單係麵包已經好有誠意！法包外皮薄脆，內裏鬆軟，令人一試難忘；佛卡夏亦充滿香草氣息，暖笠笠地送上，推介點埋佢嘅蒜油，味道更升一級！
🍈 Parma Ham and Melon
帕爾馬火腿鹹香濃郁，切片薄易入口，配埋清甜多汁嘅蜜瓜一齊食，鹹甜平衡得宜，入口即化，瞬間消解咗火腿嘅油膩感，係一道清新又高雅嘅前菜。
🍳 Pan-Seared Foie Gras
鵝肝煎得外脆內嫩，厚薄度啱啱好，入口即溶，配埋甜美嘅無花果，味道平衡得非常好。底部嘅多士亦係亮點，香脆而不過硬，承托住鵝肝嘅油香，真係好好味!
🦀 Signature Crab Crepe
呢道菜絕對係招牌推介！蟹肉鮮甜多汁，夾埋魚籽嘅鹹香同法式薄餅皮嘅軟糯，層次感極豐富。蟹肉仲加咗啲忌廉奶香，入口濃郁而不膩，一啖接一啖食唔停。
🍚 Spanish Sausage Risotto
燴飯煮得粒粒分明，Creamy得嚟又唔會過膩，米飯嘅咬口恰到好處，食感非常舒適。西班牙香腸仲帶有少少辛辣，為整道菜增添咗一份獨特嘅層次，非常惹味!
🥩 Australian Wagyu Grass-Fed Sirloin (Medium)
西冷扒厚身，肉質細緻且帶嚼勁，油脂分布均勻，松露蘑菇醬更加提升咗牛扒嘅香氣。五分熟火候控制得非常好，肉汁鎖得住，食落啖啖香濃，極為滿足！
🐖 US Kurobuta Pork Collar
豬梅扒油脂比例完美，肉質鮮嫩多汁，厚切得嚟又唔會過韌，入口即化嘅油香好正!
🍰 NYC Dessert Platter
最後嘅甜品拼盤誠意十足，包括三款經典選擇：New York芝士蛋糕、提拉米蘇同雜莓奶凍，每款都十分精緻，芝士蛋糕濃郁幼滑，提拉米蘇鬆軟香甜，而奶凍則帶有微酸嘅莓果香氣，好滿意!
🍷 Wine Pairing
餐廳亦提供精心設計嘅酒配搭：前菜配甜身白酒，適合襯托清新的菜式；到燴飯則換上酸度稍高嘅白酒平衡Creamy口感；而牛扒主角則配紅酒，濃郁嘅酒香完美襯托出牛扒嘅肉香。另外，餐廳後有一間環境超靚嘅小酒吧，非常適合和朋友飲下酒傾吓偈
張貼
