影片
更多
2024-02-09
49 瀏覽
維港靚景嘅《鐵板燒海賀》，今日老公帶左我黎位於The One 19樓靚餐廳食鐵板燒，餐廳可以揀坐吧枱或者坐窗邊欣賞維港靚景，我哋揀咗坐吧枱，我中意食鐵板燒一邊望住師傅喺前邊砰砰棒棒鐵板煮一邊期待美食🍴，店員由沙律到主菜以致Cocktail好有禮貌同笑容地介紹每一道菜式😊，今日有潮師傅為我地煮出色嘅菜式，視覺味覺聽覺都有一番享受，而且餐廳所有醬汁都係廚師自家調劑，佢哋用嘅香草大部份都係自家種架🥢無花果蟹肉沙律呢個沙律絕對有誠意，上面舖左滿滿嘅新鮮蟹肉，而入面有唔同嘅沙律菜，仲有無花果，無花果嘅甜味與蟹肉嘅鮮味好夾，沙律醬汁恰到好處，既帶有一點甜味又有淡淡嘅酸爽🥢三文魚籽伴海雲醋三文魚籽嘅豐富口感同海雲醋嘅清新酸爽令人好開胃，更加中意嘅係海雲嘅爽脆口感🥢磯煮鮑魚鮑魚保持左鮮嫩之餘仲有鮑魚嘅鮮味，配上大根，大根清甜仲煮得好入味而且唔會有渣，伴碟仲有廚師特別調製嘅紫菜蠔汁，微微嘅鹹香帶住蠔嘅鮮味🥢鵝肝鵝肝味道濃郁，師傅鐵板燒完令到鵝肝口感外脆內𥚃滑順，伴碟有廚師特別調製嘅黑蒜醬，黑蒜醬有蒜香之餘仲帶黎獨特嘅甜味🥢A4宮崎牛A4宮崎牛和牛肉質細嫩，咬落嫩軟，仲有油脂中散發住濃郁嘅牛味，配以廚師自
🥢無花果蟹肉沙律
呢個沙律絕對有誠意，上面舖左滿滿嘅新鮮蟹肉，而入面有唔同嘅沙律菜，仲有無花果，無花果嘅甜味與蟹肉嘅鮮味好夾，沙律醬汁恰到好處，既帶有一點甜味又有淡淡嘅酸爽
🥢三文魚籽伴海雲醋
三文魚籽嘅豐富口感同海雲醋嘅清新酸爽令人好開胃，更加中意嘅係海雲嘅爽脆口感
🥢磯煮鮑魚
鮑魚保持左鮮嫩之餘仲有鮑魚嘅鮮味，配上大根，大根清甜仲煮得好入味而且唔會有渣，伴碟仲有廚師特別調製嘅紫菜蠔汁，微微嘅鹹香帶住蠔嘅鮮味
🥢鵝肝
鵝肝味道濃郁，師傅鐵板燒完令到鵝肝口感外脆內𥚃滑順，伴碟有廚師特別調製嘅黑蒜醬，黑蒜醬有蒜香之餘仲帶黎獨特嘅甜味
🥢A4宮崎牛
A4宮崎牛和牛肉質細嫩，咬落嫩軟，仲有油脂中散發住濃郁嘅牛味，配以廚師自家調制嘅黑松露汁，黑松露嘅香氣濃郁，帶有一絲地道的木香，仲有餐廳自家嘅炸蒜片
🥢炒飯
炒飯有（黑松露和牛/櫻花蝦 )可以揀，我哋每人揀咗一款，炒飯的米粒粒粒分明，口感鬆軟卻不失Q彈，黑松露和牛切成細粒保持肉質鮮嫩，配合黑松露的香氣更加有層次感。櫻花蝦小巧精緻但充滿了濃郁嘅咸香鮮味
🍨甜品
有2款選擇，有南瓜紅豆沙，綠茶cheese cake
南瓜紅豆沙滑順唔膩口，紅豆煮得啱啱好，軟而唔崩爛保留住啲紅豆嘅口感，而且仲有起沙架
綠茶cheese cake上層係綠茶cream下層係芝士蛋糕，綠茶cream濃而不膩，芝士質地細緻滑順帶出濃濃嘅奶香
🍸Sorrento" Limited Edition..
呢杯Cocktail我覺得極之好飲，啱晒我鍾意飲酸酸地清新嘅Cocktail ，Prosecco嘅氣泡清新，令整杯酒有一層輕盈嘅感覺。而St. Germain嘅花香帶出一種雅致嘅口感。Kumquat嘅微酸加入啲層次，令酒更加豐富。最特別嘅係自家製嘅Honey Lemon Juice，帶嚟淡淡嘅蜜糖香同檸檬酸度，上面有塊檸檬葉係佢哋自家種架，而且品種罕有，呢塊檸檬葉令到成杯Cocktail更加出色
🍸Roku Gin (Sakura Floral)
本身已經好中意Roku Gin隻味道，帶出一陣櫻花淡淡嘅花香，增添左日本傳統元素。而Juniper Berry嘅香氣融合其中，帶黎一層複雜而細緻嘅口感，加埋Mediterranean Tonic，令整杯酒有啲微微嘅苦味同涼爽感，平衡咗Roku Gin嘅花香
張貼
