381
35
14
| 餐廳: | 鐵板燒海賀 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵尖沙咀/尖東站 B1/ N5 出口
繼續閱讀
電話號碼
29722888
開飯介紹
鉄板焼 海賀 坐落於尖沙咀新地標The ONE，為香港首間源自日本的鐵板燒日本料理。
鉄板焼 海賀 除誠意獻上一系列鐵板美饌、壽司、卷物及刺身外，還提供頭盤、天婦羅、飯麵類、湯類及甜品等滋味佳餚，保證為賓客帶來無盡驚喜。
食材由日本每天空運扺港，所取得之材料，特別是日本和牛及海鮮，絕對是頂級揀手正貨。
繼續閱讀
附加資料
來自東京銀座的鐵板燒海賀，位於尖沙咀潮流地標the ONE，每天以日本空運到港的食材炮製出賞心悅目的菜式。 客人除了可以享用即席獻製的頂級和牛, 海鮮以及其他和風菜式，亦可以在高雅的壽司吧細味師傅以新鮮食材研製的 omakase 醉心於海賀的料理的同時，亦別忘了細賞窗外的維港景致.
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
*午餐最後落單時間: 14:30 晚餐最後落單時間: 21:00
以上資料只供參考, 請與餐廳確認詳情
有關獎賞計劃
優惠
| 餐廳: | 鐵板燒海賀 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
聽講日本人會食高級鐵板燒慶祝紀念日🥂今晚book咗呢間海景鐵板燒餐廳慶祝，位於尖沙咀The One 19樓，看盡180度維港同高樓大廈景色，環境乾淨舒適，氣氛輕鬆，可以舒舒服服地傾吓偈、影吓相，員工態度有禮專業👍🏻被安排坐鐵板燒前，可以睇住廚師嚴謹細心嘅烹調製作過程入座時踏入12月，遇上「秋冬會席」菜單，我地決定叫呢個😊另外叫咗兩杯cocktail🥂🍁精選秋冬前菜兩點海鰻昆布＋鮟康魚肝，作為前菜幾開胃🍁秋冬精選刺身一款及金槍魚和甜蝦時令刺身係鰤魚，三款都新鮮，不得不提鰤魚肉質鮮甜，入口油脂甘香🍁松葉蟹大根煮物松葉蟹係秋冬季時令美味食材之一🔥食到蟹原有嘅鮮甜，很好👍🏻煮物中間係炸豆腐，下面係煮至軟腍吸飽湯汁嘅大根，欣賞呢個配搭！🍁甘鯛立鱗燒芒果蛋黃醬熱辣上碟，魚鱗超脆，魚肉好嫩，兩種口感強烈對比，整得好好🍁鐵板燒帆立貝松茸清湯刺身級厚肉帶子，兩層煎至黃金色，肉質細嫩幼滑，大約呈9成熟；松茸精華都融入湯頭，甘香清甜🍁鐵板燒大蝦蜜糖山葵大蝦新鮮，肉厚多汁🍁鐵板燒美國牛肉眼薄燒牛肉兩面煎至微脆，牛香滿溢，配炸蒜片食，或蘸少少山椒忌廉汁可解油膩感；旁邊係意大利產蕃茄，好甜🍁三十六個月風乾伊比利亞火腿炒飯炒飯粒粒分明，鑊氣十足，配風乾火腿味道少少鹹香，大愛！🍁甜品最後甜品係自家製紅豆抹茶奶凍，紅豆嘅香甜加上濃而細滑嘅奶凍，好Perfect，抱住滿足之心食完😄
繼續閱讀
啱啱過去嘅星期日同洪哥參加咗個10km慈善賽，成績都幾OK，加上佢又啱啱晌日本「關西」跨年旅行，食咗好多日本好嘢，喺無食鐵板燒，所以，今晚同佢兩支公上到嚟「鐵板燒海賀」食番餐豪嘅賀一賀，順便提早團個年。唔好睇佢門口細細，其實內裡有乾坤，佈局上，除分設咗幾個鐵板燒席前區之外，仲有多張挨窗嘅4人枱，供應俾唔食鐵板燒嘅客人。此外，仲有啲對住落地大玻璃嘅廂房，因為有客，就唔方便入內參觀。裝修方面，非常高格調，一來地方寬敞，座位編排闊落，二來樓底特高，空間感十足，再者就喺餐廳位處居高臨下，遠眺對岸，入夜燈光如繁星，甚為璀璨。就算食咁高檔嘅鐵板燒，感覺氣氛都喺好輕鬆。講到坐位，當然喺揀堂前席就最好不過啦，一來可以欣賞師傅做菜嘅手藝，二來有咩問題又可以直接問，跟師傅交流吓、學吓嘢。無論睇店名，還是睇格局，明顯都喺主打鐵板燒，其實，餐廳都仲有好多刺身、日式料理供選擇。之不過，呢個「秋冬會席」套餐就最高性價比，連埋麵豉湯，其實有10道菜，既有刺身，又有特別料理，並有4款鐵板燒美食，原本標價$1,080，依家定價每位$880。如果想更加豪氣，更可以追加南非鮑魚、西澳洲龍蝦及北海道海膽！飲品方面亦多元化，基本嘅汽水、啤酒、果汁就唔少得，亦提供唔同嘅餐酒、烈酒、雞尾酒及非酒精嘅雞尾酒。Ananas Comosus $108既然咁高興，就嗌兩杯無酒精雞尾酒試試，洪哥就揀咗杯以熱情果汁、菠蘿汁、青檸及薑味梳打溝成，賣相好東南亞風，洪哥就話入口清爽，滿滿果香味，配濃味嘅鐵板燒好搭配。Callisia Repens $108小弟所揀嘅喺以青檸同接骨木花湯力組合成，再加一小串薰衣草做裝飾，賣相好晶瑩，未飲都覺得透心涼，配即做即食熱焫焫嘅鐵板燒，一熱一凍非常過癮。精選秋冬前菜兩點不過，未入正題鐵板燒之前，先迎來多款日式料理，打頭陣喺兩款開胃前菜：鮟康魚肝、燒海鰻配昆布。賣相的骰精巧，前者口感軟滑細緻，味道濃郁，而後者鰻魚味濃，質感柔嫩，昆布醋漬過，去膩感強。秋冬精選刺身跟住落嚟喺刺身三點，包括有赤身、油甘同甜蝦，貫徹日本菜嘅一貫精緻，刺身嘅外觀亮麗有光澤，睇落夠晒新鮮。入口赤身味道鮮甜，油甘清爽，甜蝦肉質帶回黏，甚有蝦鮮味。松葉蟹大根煮物最鍾意就喺啲蟹菜式唔使自己拆肉，就可以大大啖蟹肉入口，所以，呢度煮物甚得小弟歡心。面頭嘅松葉蟹肉好鮮味，而中間有一件嫩滑嘅炸豆腐，最底下就喺汁煮蘿蔔，咬落極之清甜，入口更喺無渣，記得飲埋底下嘅本菇清湯。甘鯛立鱗燒芒果蛋黃醬甘鯛立鱗燒讓人好有驚喜，外表炸到金黃，咬落外皮酥脆到不得了，配上京蔥一齊入口，有種平衡感；而魚肉滑溜無比，沾上芒果蛋黃醬，味道極具層次，甚有錦上添花之效。鐵板燒帆立貝松茸清湯卒之輪到鐵板燒菜式登場，先喺呢個燒帆立貝，睇住師傅喺鐵板上煎呢一隻珍寶級厚肉帆立貝已經萬分期待，帆立貝兩面煎至黃金放上有松茸清湯嘅貝殼上，非常吸引。肉質果然爽口嫩滑，味道鮮甜，松茸清湯菌香而清甜，配搭出色。鐵板燒大蝦蜜糖山葵醬睇住師傅點樣將隻大蝦翻嚟翻去，燒至焦香，再擺盤、加裝飾，實在喺賞心樂事，呢道大蝦賣相立體，體現出師傅嘅手藝。而蝦肉唔單止新鮮彈牙，仲極具鮮蝦味，配上蜜糖山葵醬，微微辣，非常有趣，多士片烘得脆口，可以搽埋啲蜜糖山葵醬唔好嘥。鐵板燒美國牛肉眼薄燒唔介意可以加$200轉為A4和牛厚燒，但小弟覺得呢個美國牛肉眼已經好好食。牛肉煎至焦脆，咬落喺有微微焦脆感，而軟腍富肉香，裡面捲住好多蔥粒同炸蒜，食起嚟味道變得更多元化。再伴有鮮甜多汁嘅意大利蕃茄，食得出每樣食材都喺上乘之材。麵豉湯睇住師傅做最後一道鐵板燒嘅菜式「炒飯」之時，侍應先捧上一客麵豉湯，雖然只喺簡單一道麵豉湯，但都有高低之分。呢碗湯嘅麵豉味濃而不濁，唔會有過鹹嘅問題，裡面又有唔少油豆腐同昆布，非常好飲。三十六個月風乾伊比利亞火腿炒飯雖然喺鐵板燒，但喺個炒飯一樣食到有「鑊氣十足」嘅感覺，加上啲飯炒得粒分明，爽口不油膩，配埋鹹香油潤嘅西班牙火腿，成為升級版嘅炒飯，三扒兩撥就幫佢清晒成碗，而且，食完更唔會碗底起油。甜品接近尾聲就梗喺輪到甜品時間，今晚所試到嘅甜品喺紅豆抹茶奶凍，大大粒嘅紅豆既清甜，又軟腍，而裡面仲混入咗少少營養十足嘅桃膠，下層嘅奶凍抹茶味濃郁帶甘，質感軟滑，着實唔錯。整晚嘅用餐體驗的確非常之好，由招呼入座、到上菜、講解菜式，都做到非常到位，侍應都好有禮貌，加上每度菜都有心思，用料上乘，食得出師傅手藝，尤其坐喺堂前席，可欣賞埋師傅做菜，何其賞心樂事。
繼續閱讀
.尖沙咀· 高空靚景嘆高質鐵板燒.鐵板燒海賀 📍尖沙咀彌敦道100號The ONE 19樓.➰今日到訪的餐廳位於The One 19樓，踏出電梯已見餐廳招牌，門面裝潢妣石木系風格為主調，沉實低調內儉。.餐廳主打鐵板燒，亦有刺身及日本料理提供，就座後店員亦有簡單介紹餐廳特色及推介了最新的秋冬鐵板套餐，非常吸引。.用餐區佔據整層，鐵板燒區亦有兩邊吧枱，可同時供應多位客人，而且在鐵板燒枱後可見魚缸養著鮑魚及龍蝦等海鮮，非常新鮮奪目。➰秋冬會席 💲880/1𖥕 精選秋冬前菜兩點·鮟鱇魚肝．燒鰻魚 ⭐️4.1/5⭐️𖥕秋冬精選刺身(油甘魚、金槍魚、甜蝦) ⭐️4.2/5⭐️✥ 松葉蟹大根煮物⭐️4.2/5⭐️✥ 甘鯛立鱗燒芒果蛋黃醬 ⭐️4.1/5⭐️❀ 鐵板燒帆立貝松茸清湯 ⭐️4.3/5⭐️❀ 鐵板燒大蝦蜜糖山葵醬 ⭐️4.3/5⭐️❀ 鐵板燒美國牛肉眼薄燒 ⭐️4.3/5⭐️𖥕 36個月風乾伊比利亞火腿炒飯 ⭐️4.2/5⭐️𖥕 是日精選甜品·紅豆抹茶布甸 ⭐️4.1/5⭐️ ➿追加優惠➿ : 南非鮑魚 💲200/1隻 · 北海道海膽 💲280/1客 · 西澳龍蝦 💲560/1隻.首先奉上前菜二點，分別是鮟鱇魚肝及燒鰻魚，食材新鮮滋味，頭盤已經很有驚喜。.接著師傅奉上了油甘魚、金槍魚、甜蝦三式刺身，由淡至濃入口，新鮮滋味。接著一道松葉蟹大根煮物，上層鋪滿松葉蟹肉，搭配中層日式炸豆腐及底層的汁煮大根，口感非常豐富又突出蟹肉鮮甜，出色。.接著師傅將今日的鐵板食材展現給我們，然後我們邊欣賞師傅的席前鐵板燒，一邊享用甘鯛立鱗燒，入口外皮非常香脆，肉質嫩滑。.終於來到主菜環節，第一道鐵板燒帆立貝，帆立貝Size非常巨型，十分飽滿，而且還佐以松茸清湯將海鮮的鮮甜更為昇華。然後師傅接著處理鐵板燒大蝦，拆蝦殼去肉的手法非常純熟，賞心悅目，更配以香脆多士一同入口。.然後到了美國牛肉眼薄燒，五成熟配上蒜片已經足夠惹味出色，鐵板燒當然少不了炒飯·亦相當有驚喜，以36個月風乾伊比利亞火腿作主要配料，最後的甜品以紅豆抹茶布甸作結。.➰總結餐廳主打鐵板燒，裝潢沉實低調內儉講究，更有窗旁位置可以欣賞到維港美景，而且鐵板套餐優惠更是超高性價比，食材亦亳不馬虎，非常推薦依間高質鐵板燒比大家，相信絕對唔會令大家失望。➿➿➿#鐵板燒海賀 #尖沙咀美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#秋冬會席#松葉蟹大根煮物#甘鯛立鱗燒芒果蛋黃醬 #鐵板燒帆立貝松茸清湯#鐵板燒大蝦蜜糖山葵醬 #鐵板燒美國牛肉眼薄燒 #36個月風乾伊比利亞火腿炒飯.
繼續閱讀
位於 the One 嘅鐵板燒海賀，網上食評一致的好，果然食品質素好，環境寬敞舒服🌿，而今次專登來到the One 19樓，決定唔坐鐵板枱，選擇左窗枱位置可飽覽無敵維港海景食鐵板燒，點都要少少酒精襯托吓先好氣氛，兩杯特飲分別🍹Menthan Suaveolens - 白酒製作嘅cocktail，淡淡清香味🍹🍹Ao Shiso- 用清酒製作嘅cocktail, 味道較濃🍹午餐嘅基本鐵板套餐已十分豐富， 分別點了鐵板海鮮套餐$368✨或 鐵板牛柳套餐$368✨⭐️刺身新鮮肥美⭐主菜魚柳配惹味果醬味道特出🥩美國牛柳🥩煎得外脆內嫩，推介跟炸蒜片一口吃🍰甜品紅豆抹茶奶凍🍰滑嫩又唔太甜
繼續閱讀
2025年剛開始，善待自己吃餐好！選擇了久聞大名的「鐵板燒海賀」，居高臨下，佈置雅麗。面積頗大，可以選擇窗邊位欣賞海景，亦可以安坐鐵板燒桌，與師傅交流。餐廳亦因應時令，推出六道菜的秋冬會席，現在更加可以優惠價吃，每位$880。Alo Shiso $138喜歡這杯雞尾酒以日本清酒 Sake 作膽，混合紫蘇及青檸等，味香不太甜，我認為與日式鐵板燒很合拍。Ananas Comosus $108Passion Fruit, pineapple, Ginger Ale同伴選擇了無酒精雞尾酒，果味香甜易入口。先看看今日的食材精選秋冬前菜兩點 鮟鱇魚肝．燒鰻魚眼前一亮，會席竟然以味道濃郁的鮟鱇魚肝及燒鰻魚開始，這兩款食材正是我喜歡的！以酸汁及蘿蔔蓉調味的鮟鱇魚乾，口感開胃，作為前菜稱職；燒鰻魚香而不膩，配海帶效果變得不一樣。秋冬精選刺身 油甘魚．吞拿魚腩．甜蝦新鮮上乘，肉厚味鮮。松葉蟹大根煮物擺盆整齊日式，松葉蟹肉配炸蟹肉豆腐與本菇清湯，放上紅椒絲點綴。非常喜歡蟹肉豆腐的口感，亦滑亦實在，有點咬口；松葉蟹肉鮮美，本菇非常滑溜，湯清甜，美味。金鯛立鱗燒芒果蛋黃醬馬頭魚以油炸幾次至魚鱗通透脆口，功夫菜式，與京蔥及蛋黃醬一齊食，果然更有層次，蛋黃汁很美味。鐵板燒帆立貝松茸清湯珍寶級帆立貝金黃焦香配清香的松茸湯，效果一流。鐵板燒大蝦蜜糖山葵醬大蝦香氣四溢，肉質細緻，蜜糖山葵醬味道出色，伴以脆多士也可以。鐵板燒美國牛肉眼薄燒 今晚我最喜歡的，就是這個牛肉薄燒，做得非常出色！牛肉味濃，餡料適中，沒有過多的青蔥霸氣。36個月風乾伊比利亞火腿炒飯．麵豉湯加了伊比利亞火腿粒的炒飯是個好主意，絕對是升級版，相比坊間一般鐵板店是炒飯美味得多。紅豆沙抹茶奶凍甜美的紅豆平衡微甘的抹茶，奶凍香滑；只可惜間間都做抹茶奶凍，沒有特色。除了指定項目之外，客人更可以優惠價追加鮑魚、龍蝦及海膽，諗落都係抵嘅！走中高檔路線，運作流暢，服務態度良好；每道菜式皆用心處理，造型漂亮，如一道正式西日菜，蟹肉豆腐有驚喜，牛肉薄燒水準之上。
繼續閱讀