影片
更多
2024-07-04
142 瀏覽
新商場入邊有好多新嘅餐廳，但係每一間都大排長龍，我見到呢間「山洞食堂」可能價位較高，唔需要排隊，於是就入去試吓。我叫咗一個「宮·盛宴」$788二人餐，首先上嘅就係包含韓式泡菜、薯蓉、海帶、醃蘿蔔…5種前菜，隨後如果想添加嘅要加$40。有3款調味：柚子醬汁、胡椒鹽、及韓式燒烤醬可隨客人配搭。🔹 豆腐海苔沙律 - 翠綠嘅蔬菜🥬十分新鮮，豆腐嫩滑，經過調配嘅和風醬，令到味道清爽又開胃。🔹嫩牛筋牛舌 - 牛舌切得大大粒，鮮甜、厚實、似牛𦟌嘅口感；牛筋就炆得腍滑，無燥味。平時我唔鍾意食牛筋，不過呢度我覺得好味😋🔹 和牛肩肉盛、和牛外裙肉、慶州黑毛豬水果醬油五花肉 - 店員好有禮貌，佢話可以幫忙燒烤，不過因為我哋想慢慢食，於是就決定自己燒。三款肉質都非常優質，燒烤和牛喺嘅時候，美麗均勻嘅油脂雪花瞬間融化，相當誘人食慾。五花肉慢烤被逼出油脂，金黃閃閃令嘅外表，口感Q彈有咬勁又唔會太油膩。🔹 帶子牛油燒 - 帶子新鮮嫩滑，牛油香濃又有香香嘅蒜蓉味。我將燒肉伴碟嘅蔬菜放入去一齊烤煮，味道比放上烤爐更加美味。🔹 雲梨水冷麵 - 麵條是由蕎麥麵製成，富有彈性，唔會愈食愈軟爛。湯底清爽但係唔會淡而無味，而且仲
新商場入邊有好多新嘅餐廳，但係每一間都大排長龍，我見到呢間「山洞食堂」可能價位較高，唔需要排隊，於是就入去試吓。
我叫咗一個「宮·盛宴」$788二人餐，首先上嘅就係包含韓式泡菜、薯蓉、海帶、醃蘿蔔…5種前菜，隨後如果想添加嘅要加$40。
有3款調味：柚子醬汁、胡椒鹽、及韓式燒烤醬可隨客人配搭。
豆腐海苔沙律
11 瀏覽
0 讚好
0 留言
🔹 豆腐海苔沙律 - 翠綠嘅蔬菜🥬十分新鮮，豆腐嫩滑，經過調配嘅和風醬，令到味道清爽又開胃。
嫩牛筋牛舌
8 瀏覽
0 讚好
0 留言
🔹嫩牛筋牛舌 - 牛舌切得大大粒，鮮甜、厚實、似牛𦟌嘅口感；牛筋就炆得腍滑，無燥味。平時我唔鍾意食牛筋，不過呢度我覺得好味😋
和牛外裙肉及慶州黑毛豬水果醬油五花肉
0 瀏覽
0 讚好
0 留言
和牛肩肉盛
0 瀏覽
0 讚好
0 留言
🔹 和牛肩肉盛、和牛外裙肉、慶州黑毛豬水果醬油五花肉 - 店員好有禮貌，佢話可以幫忙燒烤，不過因為我哋想慢慢食，於是就決定自己燒。三款肉質都非常優質，燒烤和牛喺嘅時候，美麗均勻嘅油脂雪花瞬間融化，相當誘人食慾。五花肉慢烤被逼出油脂，金黃閃閃令嘅外表，口感Q彈有咬勁又唔會太油膩。
帶子牛油燒
8 瀏覽
0 讚好
0 留言
🔹 帶子牛油燒 - 帶子新鮮嫩滑，牛油香濃又有香香嘅蒜蓉味。我將燒肉伴碟嘅蔬菜放入去一齊烤煮，味道比放上烤爐更加美味。
雲梨水冷麵
0 瀏覽
0 讚好
0 留言
🔹 雲梨水冷麵 - 麵條是由蕎麥麵製成，富有彈性，唔會愈食愈軟爛。湯底清爽但係唔會淡而無味，而且仲出奇地有鮮味，旁邊有冰沙漂浮，邊食燒烤邊搭配冷麵，真係一個幾舒服嘅組合。
烤香蕉配朱古力肉桂粉
0 瀏覽
0 讚好
0 留言
焦糖布甸
0 瀏覽
0 讚好
0 留言
🔹 烤香蕉配朱古力肉桂粉及焦糖布甸 - 有心思嘅甜品，唔係一般套餐嘅行貨。香蕉上面嘅焦糖脆卜卜，灑有肉桂粉同埋朱古力醬。布甸奶味濃郁，非常軟滑。雖然已經食到好飽，但係眼見咁吸引嘅甜品都係忍唔住食晒。
呢個套餐嘅價錢比較貴，但係環境、服務、食物嘅質素同埋份量，各樣加埋，我覺得物有所值。如果要改善的話，我覺得若有生菜附送用嚟包住燒肉會更加理想。
張貼
