蟹仙海鮮蒸碢大公館

營業中

休息中

屋企人好鍾意食海鮮，所以今次專登搵一間專係食靚海鮮嘅餐廳。餐廳有有唔同價位嘅海鮮套餐，個人比較推介中間價位嘅尊貴海鮮套餐 $449，因為食材多數都係空運過嚟，唔係間間餐廳都可以食到。第一輪嘅海鮮拼盤就有日本野生大赤蝦、翡翠螺、大西洋野生青口、日本大元貝和韓國斧山珍珠蠔。我自己都係最鍾意大赤蝦，店員介紹佢係刺身級，所以唔使蒸到好熟，蝦身非常彈牙鮮甜。野生琵琶龍蝦店員介紹依款係每日新鮮採購，琵琶龍蝦表面有絨毛，喺上乘之選。食落比龍蝦更加鮮甜多汁。太平洋饅頭蟹唔好睇佢細細隻，綠黃色嘅膏其實非常鮮甜。野生膏仔蟹膏仔蟹就度度都有，但係來自菲律賓嘅就第一次食。食落膏身好濃郁，唔講仲以為食緊大閘蟹。食完海鮮就可以食返啲蔬菜，同埋最後精華嘅粥底，呢一餐即係健康又飽足。