影片
更多
2024-12-12
343 瀏覽
最近工作好忙碌，一定要食返餐好嘅好好犒賞一下自己😌去食Omakase就啱晒喇，可以係幾個小時嘅時間享盡色香味皆豐富嘅晚餐，絕對可以令自己好好放鬆🥳呢晚就去到位於尖沙咀嘅粋，晚市Omakase有分$1480、$1680、$2080三個套餐，今次食嘅$1680花Hana套餐有前菜、刺身、季節料理、壽司等，好多都用上最時令嘅北海道食材🇯🇵每一道都好出色😋嚟自香港嘅師傅令我好欣賞，唔單止炮製料理、壽司嘅手勢出色，亦好貼心，會因應客人嘅反應、喜好而調整之後上嘅菜品、壽司飯量等，具備日本人嘅職人態度之餘亦不失香港人嘅靈活🫶🏻🐟鱈魚乾🤍先付前菜有3款，包括冰腐乳、水雲菜以及磯煮鮑魚。冰腐乳亦即日本湯葉，豆味好清香😙水雲菜酸爽開胃，作為第二道前菜剛好。鮑魚有驚喜，口感一流👍🏻醃得入味，醃料帶輕微辣味同香料味，幾好食😋刺身／酒肴🤍日本鱈魚白子－鱈魚白子好少地方有得食，呢度做得出色🤩白子冰涼軟滑，配上酸汁以及柚子皮，酸酸地之餘香氣十足🥳🐟剝皮魚、野生鰤魚、沖繩苦瓜－刺身都好impressive😍屬於白身魚嘅剝皮魚本身味道清淡，但師傅加入以剝皮魚魚肝做成嘅醬汁，味道即時變得豐富香濃😛中間嘅鰤魚亦令人印象深刻
🐟鱈魚乾
🤍先付
前菜有3款，包括冰腐乳、水雲菜以及磯煮鮑魚。冰腐乳亦即日本湯葉，豆味好清香😙水雲菜酸爽開胃，作為第二道前菜剛好。鮑魚有驚喜，口感一流👍🏻醃得入味，醃料帶輕微辣味同香料味，幾好食😋
刺身／酒肴
🤍日本鱈魚白子－鱈魚白子好少地方有得食，呢度做得出色🤩白子冰涼軟滑，配上酸汁以及柚子皮，酸酸地之餘香氣十足🥳
🐟剝皮魚、野生鰤魚、沖繩苦瓜－刺身都好impressive😍屬於白身魚嘅剝皮魚本身味道清淡，但師傅加入以剝皮魚魚肝做成嘅醬汁，味道即時變得豐富香濃😛中間嘅鰤魚亦令人印象深刻，先食鮮甜嘅鰤魚腩，再食炙燒後迫出魚油香嘅背脊位，一次過有兩種滿足😆沖繩苦瓜居然無被刺身比下去👏🏻醃製後苦瓜除咗味道帶甘，亦帶酸甜味，毫不苦澀，口感亦爽脆。
🐟鰹魚、鮟鱇魚肝最中餅－嚟到濃味啲嘅刺身，鰹魚魚味一向較重，搭配香甜嘅洋蔥醬又幾夾😚右邊嘅鮟鱇魚肝最中餅味道更豐富，當甘香嘅鮟鱇魚肝混入醃蘿蔔粒、香蔥等食材，再釀入脆卜卜最中餅，一啖咬落去食到魚油香，好滿足🤩
季節之料理
🦀香箱蟹－正所謂不時不食，嚟到秋冬季就係食蟹嘅季節喇😻香箱蟹貴為蟹中較為矜貴嘅品種，係呢度都可以食到。一啖就可以食盡鮮甜蟹肉同埋滿滿甘香實淨嘅蟹膏，呢種滋味絕非其他品種嘅蟹可比擬🥳🥳
🥩A4和牛－食完海鮮再食和牛，呢一餐頓時變得邪惡起嚟😈餐廳特別選用A4而非A5和牛，貪佢有油脂香又唔會食到成口油，令到呢一頓豐富嘅晚餐未至於太飽滯🫶🏻和牛有油香又有肉香，口感好軟腍。搭配嘅蔬菜亦出色，有甜辣椒、超香甜嘅粟米仔同粉糯嘅蕃薯🍠
手握壽司7貫
🍣九州深海池魚－先以較淡味嘅壽司開始，深海池魚鮮甜，口感又爽👍🏻
🍤北海道甜蝦－爽口之餘中間亦帶少許漿口感覺，鍾意食甜蝦嘅人會覺得好高質😚
🍣中拖羅－味道好鮮甜，輕輕塗上少許醬油更能帶出鮮味。
🍣鮫鰈魚－用上魚腩位，帶魚肉嘅甜味。面頭加上經炙燒過嘅邊位，口中即時滲出魚油香💦
🍣銀鱈魚－另一款具濃濃魚油香嘅款式，銀鱈魚一般會食熟食，呢個刺身級比較少見矜貴😛
🧡北海道馬糞海膽－見到師傅端出一整版北海道浜中養殖海膽已經覺得好吸引。馬糞海膽呈橙黃色，味道極盡鮮甜，入口幾近即化🤩
🍣大拖羅－前面食完中拖，最後都要以大拖作結，咁先夠完成度。炙燒之後逼晒啲魚油出嚟，入口即溶，口感一流🥳
🍲海鮮湯
熱湯唔係一般嘅麵豉湯，而係海鮮湯，飲到好香好濃郁嘅魚味，食完壽司再飲呢個好舒服☺️
🍈水果
食得咁飽，最後以清甜爆汁嘅蜜瓜作結就好完美💦
推介指數（10分為滿分）：9分
張貼
