影片
更多
2023-08-26
26 瀏覽
同朋友一齊book左呢間係跑馬地既omakase專門店, 餐廳只有一款meun, 但食材新鮮又多元化, 師傅亦會細心介紹每道料理, 成個用餐體驗都非常享受.雅 MIYABI $1880/位先付- 宮崎縣沢蟹|水雲醋物|燒一夜乾|湯葉卷其中最喜歡係沢蟹, 雖然細細隻但炸到卜卜脆, 入面仲要係爆膏的. 季節吸物 鱧魚係京都名物, 而順菜更加係第1次食, 佢外面會包住一層膠質, 口感非常特別刺身 - 愛援県真鯛 | 富山白蝦刺身、炸白蝦| 間八 | 北海道水八爪魚 | 宮城赤貝 | 三文魚籽刺身水八爪魚有八爪魚肉同吸盤2款, 完全唔韌, 吸盤更加係非常爽口.三文魚籽刺身真係大推, 師傅話每一粒都係人手拆出嚟, 全部都漲卜卜非常鮮甜, 配搭埋下面既蘿蔔蓉,小許辛辣但又帶有甜味, 非常出色. 值得一提係餐廳特別設計咗個白蝦3食, 其中2食係刺身同炸白蝦, 炸白蝦非常惹味, 炸得酥脆乾身食落又唔油膩, 相信非常考功夫.炸物 - 長崎縣白粟米| 海老真丈先講白粟米, 坊間普遍都係生食但今日師傅就特登用左天婦羅形式去處理, 出面脆漿夠薄內裡又仍然保持到非常juicy.白蝦第3食就係海老真丈, 食到
雅 MIYABI $1880/位
先付- 宮崎縣沢蟹|水雲醋物|燒一夜乾|湯葉卷
其中最喜歡係沢蟹, 雖然細細隻但炸到卜卜脆, 入面仲要係爆膏的.
季節吸物
鱧魚係京都名物, 而順菜更加係第1次食, 佢外面會包住一層膠質, 口感非常特別
刺身 - 愛援県真鯛 | 富山白蝦刺身、炸白蝦| 間八 | 北海道水八爪魚 | 宮城赤貝 | 三文魚籽刺身
水八爪魚有八爪魚肉同吸盤2款, 完全唔韌, 吸盤更加係非常爽口.
三文魚籽刺身真係大推, 師傅話每一粒都係人手拆出嚟, 全部都漲卜卜非常鮮甜, 配搭埋下面既蘿蔔蓉,小許辛辣但又帶有甜味, 非常出色.
值得一提係餐廳特別設計咗個白蝦3食, 其中2食係刺身同炸白蝦, 炸白蝦非常惹味, 炸得酥脆乾身食落又唔油膩, 相信非常考功夫.
炸物 - 長崎縣白粟米| 海老真丈
先講白粟米, 坊間普遍都係生食但今日師傅就特登用左天婦羅形式去處理, 出面脆漿夠薄內裡又仍然保持到非常juicy.
白蝦第3食就係海老真丈, 食到滿滿蝦膠之餘食落又有種fluffy同空氣感, 又係另1個大推之作
壽司 - 和歌山鮎魚| 熱海金目鯛 | 長崎池魚| 青森凡立貝| 北海道金海老| 石垣貝| 佐賀新墨魚bb | 中吞拿魚腩 |大吞拿魚腩 赤身醬油漬 | 海膽
每款壽司都非常好味, 其中佐賀既墨魚bb壽司, 師傅更加話係一年只有兩個星期可以食到, 非常罕有. 而大吞拿魚腩師傅特別加咗小許鹽係壽司入面去中和返個油膩感, 亦令口感更加豐富.
味噌湯
湯入面材料豐富, 除左有海帶、豆腐之外, 亦有魚肉, 令到個湯更加鮮味
甜品
分別有嚟自北海道富良野既水蜜瓜同紅豆味羊羹, 蜜瓜非常清甜用嚟配襯羊羹呢種日本既傳統甜品剛剛好.
張貼
