宴．鐡板燒 (亨環‧天后)

營業中

休息中

今日慶祝朋友生日，決定晏晝去食好啲，咁啱知道佢本身都係一個幾鍾意食鐵板燒嘅人，就揀咗呢一間喺天后嘅鐵板燒餐廳，佢嘅地址位於天后地鐵站附近喺地鐵站行過去都唔算係太遠！ 我哋同店員確認咗booking之後就好快可以入到去首先想介紹吓佢嘅刺身兩點，右口魚包左檸檬啫喱 好清爽 微酸好開胃 作為前菜嚟講非常好食，同埋正！䱽魚上面有燒白味噌 充滿魚油香同鹹甜口味，啱晒鍾意食魚嘅我哋！薯仔既沙律上面有魚子醬，呢個配搭來講食落去非常高級，味道方面都好match! 都好少喺香港食到北海道嘅白色粟米，北海道白粟生食非常鮮甜，都非常juicy! 跟住有我最鍾意食嘅鐵板燒，帶子，帶子非常厚肉，食落口亦都非常鮮甜，餐廳用佢特別調製嘅醬汁，令到帶子嘅味道更佳！帶子上面再加埋新鮮既魚子，非常高級！鐵板燒嘅虎蝦就非常爽口彈牙，食得出餐廳用嘅新鮮貨！生熟嘅程度亦都控制得好好，絕對唔會有過火嘅情況出現！最後都讚下佢本身餐廳嘅炒飯，每一粒飯都炒得粒粒分明，非常乾身，而且好食，師傅仲好有禮貌咁問我哋要唔要蔥，非常貼心！呢個價錢嚟講非常抵食，如果有機會一定會再返嚟幫襯！