三才魚蛋粉麵

營業中

休息中

行完工展會，搭車返屋企前醒起「三才」，之前睇YouTube介紹佢哋一家人，今日就去試吓！差不多兩點，排隊就預咗，好彩不用等太耐。因為10點幾先食咗早餐，唔太肚餓，所以只叫了一碗魚蛋米，魚蛋好食，不過魚片更出色！舖仔細細，但唔會坐得侷促，碗粉都唔使等太耐。湯偏淡，我自己就要加豉油，自家製炸蒜冇特別，辣椒油落咗等於冇落，唔掂😑不過銅鑼灣區$32一碗魚蛋粉實在抵食，我覺得收貨喇！值得再試！臨走都買咗啲魚蛋外賣，有好嘢梗係要同屋企人分享啦！下次會試埋佢啲牛腩粉同埋炸魚皮。