影片
港鐵銅鑼灣站 F1 出口, 步行約2分鐘
繼續閱讀
電話號碼
22760672
開飯介紹
銅鑼灣港式粉麵店，並自設工場製作各款丸類、餃子、雲吞等。推介炸魚皮、魚旦魚片河及牛腩河，魚旦、魚片很彈牙，而且河粉口感滑溜，亦很掛湯。
繼續閱讀
營業時間
今日營業
11:00 - 20:45
星期一至六
11:00 - 20:45
星期日
11:00 - 19:45
公眾假期
11:00 - 20:45
公眾假期前夕
11:00 - 20:45
以上資料只供參考, 請與餐廳確認詳情
相關文章
今晚同老公去咗銅鑼灣渣甸坊，望見一間港式雲吞麵小店坐滿人，相信係好嘢，否則唔會咁多人，即管試下，等了一陣好快有位坐低點了2碗麵加油菜share。魚蛋魚片米$41個湯底我要求加了腩汁，好惹味。白魚蛋彈牙，有魚味。魚片幾大片，爽口好味，幾好味。雙拼： 鮮蝦水餃拼西洋菜餃粗麵$392款餃都皮薄，鮮蝦水餃嘅蝦新鮮，連同木耳，水餃餡料食落好爽。西洋菜夠綠夠新鮮，每款3隻，粗麵口感好爽好味。油菜$17係一大碗，可以腩汁或蠔油，新鮮生菜加埋蠔油，又多又好味。2個人食了唔駛$100，不論份量、味道、價錢都好吸引，非常值。
繼續閱讀
我唔明白三才點樣得到咁多好評. 如果呢碗淡而無味嘅魚蛋粉都俾人吹奏到天上有地下無, 仲邊有人會有incentive去做好一碗魚蛋粉. 正所謂做又36 唔做又36如果繼續放寬魚蛋粉食評, 只會令到整個香港魚蛋粉質量每況愈下. 使鬼用心打魚蛋. 賣吓廣告, 俾錢做吓訪問, 上吓雜誌, 成份P&L瞓身落去做marketing咪得. 橫掂比咩你哋食, 你哋都話好食我唔希望30年後大家同自己講 “今時今日嘅魚蛋粉同以前爭得遠”. 為咗捍衛呢一份香港魚蛋粉精神, 我迫不得已之下註冊呢個帳號嚟寫出最可靠, 最嚴謹嘅魚蛋粉食評首先個湯. 網上又話魚味香濃, 又話熬到變成白色, 飲落去乜味都冇. 咁唯有自己加啲三才嘅自家製辣椒油啦, 點知加極都冇味, 加完好似冇加咁. 我同自己講 “咁淡, 一定冇味精”. 點知食完之後頸渴到係咁飲水, 一直飲就一直覺得同頭先碗湯差唔多味對重頭戲魚蛋就當然充滿希望, 但希望越大嘅同時, 失望就越大. 一d魚味都食唔到. 真係老麥魚柳包仲鮮味過佢. 河粉就唔使講, 完全唔合格. 唔滑, 唔新鮮.我希望食客可以認真咁比返d中肯, 嚴謹嘅食評. 而唔係是但一碗魚蛋粉煮到埋嚟就話好好食. 如果唔係就對啲用心做好魚蛋粉嘅舖頭好唔公平.
繼續閱讀
久聞大名嘅三才，星期六未到兩點半未有人龍終於可以坐低一試。特意叫四寶河可以一次過試幾樣味道，湯底唔夠味，四寶嘅貢丸同魚餃OK好食，魚蛋無乜味，豬肉丸味道好似益嘅。食完全無滿足感。不過算啦，到此一行，滿足咗好奇心。講真銅鑼灣食飯要地方平靚正非常困難，三才算係咁，價錢貼地，地方乾淨，比起小巴站成條街嘅茶記食物服務品質，三才贏咗。下次路過銅鑼灣要搵地方吃飯，都可能再去三才試吓其他，聽講牛腩、西洋菜餃等等都唔錯。
繼續閱讀
銅鑼灣想食平靚正港式粉麵，走到渣甸坊街尾就對了，三才魚蛋粉麵，內裡店舖不大，門口已經分外賣和堂食排隊，價錢合理一碗粉麵大約$32-37，撈麵另加$10在店外排隊時已經要下單，今次點了雲吞牛腩撈粗麵上面時撈粗麵一大碟，牛腩有5-6舊，牛腩炆得夠入味夠淋，越食越有口感及牛香，蠔油已加在碟邊旁，不會太咸，粗麵口感適中，份量多，再加上自製辣椒油，越食越香口雲吞是跟上湯一起送上最後加了一份腐乳通菜$17，一大碗油菜，非常抵食
繼續閱讀
住港島成日都落銅鑼灣，有時唔太肚餓，就會去三才食碗魚蛋粉。最鍾意叫佢嘅炸魚片頭，每日新鮮即炸冇油膱味。另外牛丸牛味濃，入面有啲油脂令到個牛丸好Juicy。平時都會嗌炸墨魚蝦條，喺呢度嘅招牌菜。有時夜晚唔知煮咩好，就會買啲炸墨魚蝦條返去煎返香嚟食。亦都會買啲西洋菜餃返去煮麵食，因為夏天西洋菜唔當造，有啲地方買西洋菜餃會唔新鮮，但呢度嘅西洋菜餃係一年四季都咁新鮮冇苦味。仲有鮮蝦雲吞，皮薄餡多，啲蝦又夠大隻。Over嚟講，呢度嘅食物全部都好有質素👍🏻
繼續閱讀