鮮入圍煮 (已搬遷) 新店位置

疫情以黎, 真係好耐冇出外打過邊爐啦。 人少唔好打, 太多人既地方又唔方便去。 好彩而家穩定好多, 都可以放心外出食飯。 所以就決定去打邊爐大食一餐。鮮入圍煮，之前都聽好多人推介過, 都未有機會去, 今次終於有機會。 一黎到, 見到佈置到好有香港特式，好似係街市入面打邊爐咁, 但又好乾淨, 感覺好得意。一黎到, 店員就介紹我地要試下花膠雞煲, 所以邊叫左。真係好足料，入面真係好多雞同花膠。 好香濃既味道。 而且雞都好嫩滑, 同埋真係好大件，感覺比食雞煲仲多, 但都係叫細煲jar. 食完花膠雞煲，先再加湯開始打邊爐。 但個湯真係超正, 會忍唔住一定飲晒。再叫左安格斯牛, 脆肉鯇魚, 手打墨魚滑, 響鈴，豆腐, 蟹柳, 油麥菜。 嘩，真係餓左好耐邊爐咁。鍋料睇落好新鮮, 食落都好正。 特別係安格斯牛夠嫩滑, 唔會縮細硬, 好有牛味。 脆魚鯇好爽口, 大件肉好好食。 其他都好新鮮, 又乾淨。 真係值得食。