隨心 (已搬遷) 新店位置

沙嗲串燒6串（豬雞各3串）串燒份量適中，沙嗲汁食落有咖喱味道，都幾香口。隨心海南雞飯（無骨）海南雞份量都多，好幾隻都見到膠質，雞肉嫩，雞皮滑，配上油飯飯底同三式醬汁，同埋雞湯一碗，都幾開胃，唔錯。較特別係，餐廳會配埋木耳，平時其他餐廳都未必有，食起嚟就多個層次。海鮮喇沙喇沙湯底香濃，唔太辣，椰香味幾濃，入口有層次得嚟又順口。配料都好多款式，大蝦2隻，蟹棒2條，雞蛋半隻，魚片幾片，帆立貝一隻，夠足料。麵底係米粉加瀨粉，幾得意嘅配搭。p.s.餐廳職員都幾細心，會主動問要唔要碗嚟分享。現時蜜糖白啤酒做緊買一送一。