鰻の成瀬

營業中

休息中

全港唯一鰻魚專門店殺入中環街市，顧名思義主打鰻魚飯，另外有幾款用鰻魚製作嘅小食，如玉子燒、飯糰等。主食有四個選擇，分別在於鰻魚同飯嘅份量，可按個人喜好選擇。最大嘅Size有一整條鰻魚份量，相比起嚟計性價比最高，鰻魚切開為三大條，微微焦香氣，醬汁甜甜地，但係又唔會好膩，肉質嫩滑啖啖肉好過癮，搭配粒粒米飯，令人一試愛上，完全停唔到口。鰻魚飯團有燒有唔燒，可單叫或要兩塊，份量唔算好多，鰻魚粒粒完美地混合飯團裡面，軟糯帶粒粒咬口，味道亦唔算好濃郁。另外有玉子燒，淡淡香氣，配著飯糰食都幾夾。