影片
更多
2025-02-11
0 瀏覽
呢間係灣仔店嘅分店。一出地鐵站就見到。星期一夜晚七點幾入座，但想食嘅沙律同埋其中一個甜品都咁啱冇，上網睇喇沙又唔算特別好出色，所以嗌嘅全部都係小食。要左鹹蛋黃蓮藕片，份量幾多下。切得好薄，好似薯片咁酥脆，咸蛋黃醬比得好generous ，coat每一啖都有，好香口，仲有咖哩葉，唔係hea 。略嫌冚咗薯蓮藕本身嘅味道，不過鹹咗少少，如果用嚟做送酒小食就非常好，就算凍左都好好食，係會考慮買外賣返屋企食嘅水平。辣椒蟹炸饅頭，蟹肉比得多，同有饅頭一比二嘅份量，所以每一啖都係蟹肉，加埋少少汁，口感豐富。望落好似好大份，但其實只係迷你炸饅頭，兩啖食得晒。辣椒蟹個味反而有啲似喇沙或者咖喱，但係有啲甜。斑斕Churros ，好似粟米芯咁，幼身，係density 比較高嘅churros ，炸得唔夠脆。配嘅係斑斕味嘅吉士打醬，個樣好似牛油果醬，凍凍地配熱churros 係ok 嘅。不過本身已經加左玉桂粉，斑斕味唔係好食得出，有啲被蓋過嘅感覺，反而單食個醬先食到斑斕味。
要左鹹蛋黃蓮藕片，份量幾多下。切得好薄，好似薯片咁酥脆，咸蛋黃醬比得好generous ，coat每一啖都有，好香口，仲有咖哩葉，唔係hea 。略嫌冚咗薯蓮藕本身嘅味道，不過鹹咗少少，如果用嚟做送酒小食就非常好，就算凍左都好好食，係會考慮買外賣返屋企食嘅水平。
辣椒蟹炸饅頭，蟹肉比得多，同有饅頭一比二嘅份量，所以每一啖都係蟹肉，加埋少少汁，口感豐富。望落好似好大份，但其實只係迷你炸饅頭，兩啖食得晒。辣椒蟹個味反而有啲似喇沙或者咖喱，但係有啲甜。
斑斕Churros ，好似粟米芯咁，幼身，係density 比較高嘅churros ，炸得唔夠脆。配嘅係斑斕味嘅吉士打醬，個樣好似牛油果醬，凍凍地配熱churros 係ok 嘅。不過本身已經加左玉桂粉，斑斕味唔係好食得出，有啲被蓋過嘅感覺，反而單食個醬先食到斑斕味。
張貼
