影片
更多
2023-01-17
79 瀏覽
近年鍾意咗食辣🌶，所以對川菜感興趣。我同朋友想食「麻辣風雲」好耐，但兩個人晚市嚟食的話，就好難嗌嘢食。不過好彩佢週末都有提供午市套餐，我哋可以襯放假嚟幫襯。旺角分店位於瓊華中心，店舖面積極大，即使係午市時段，入座率都好高，絕對稱得上係人氣店👏。呢度環境乾淨企理，而且餐枱寬敞，坐得舒服。同時，店員好忙碌，但仍能保持禮貌，抵讚。睇呢張相就應該會明白點解我咁想嚟食晏，因為一人量嘅午餐，份量係少啲，但價錢平啲之餘，仲可以留肚試多幾味😃。招牌酸菜魚($88/午餐)，🐟酸菜魚好大碗，對於想淺嚐嘅我哋已經好足夠，連皮無骨魚片肉質嫩滑鮮甜，應該有成十幾片。酸菜湯呈金黃色，辣度同酸度均可調節，我哋要咗最溫和嘅少酸少辣🌶。湯底唔錯，微微酸好開胃，易入口；但由於油份高，就唔建議成碗飲晒。除咗魚，其他食材仲包括酸菜、萵筍、豆卜同金菇等，最重要嘅係原來墊底有寬薯粉(唔使額外加錢)，索盡湯頭精華。題外話，午餐小菜奉送白飯一碗🍚。砂鍋螺螄粉($48)，餐廳有提供近嚟大熱嘅螺螄粉，老實講我從未食過，亦係抱住打大佬嘅心態試吓🙈。螺螄粉嘅特色在於湯底有浸獨特嘅氣味，既酸辣，且帶點唔腥嘅海鮮貝殼味，但又唔係蝦香嗰種，可能因
旺角分店位於瓊華中心，店舖面積極大，即使係午市時段，入座率都好高，絕對稱得上係人氣店👏。呢度環境乾淨企理，而且餐枱寬敞，坐得舒服。同時，店員好忙碌，但仍能保持禮貌，抵讚。
睇呢張相就應該會明白點解我咁想嚟食晏，因為一人量嘅午餐，份量係少啲，但價錢平啲之餘，仲可以留肚試多幾味😃。
招牌酸菜魚
$88
24 瀏覽
0 讚好
0 留言
招牌酸菜魚($88/午餐)，🐟酸菜魚好大碗，對於想淺嚐嘅我哋已經好足夠，連皮無骨魚片肉質嫩滑鮮甜，應該有成十幾片。酸菜湯呈金黃色，辣度同酸度均可調節，我哋要咗最溫和嘅少酸少辣🌶。湯底唔錯，微微酸好開胃，易入口；但由於油份高，就唔建議成碗飲晒。除咗魚，其他食材仲包括酸菜、萵筍、豆卜同金菇等，最重要嘅係原來墊底有寬薯粉(唔使額外加錢)，索盡湯頭精華。題外話，午餐小菜奉送白飯一碗🍚。
砂鍋螺螄粉
$48
24 瀏覽
0 讚好
0 留言
砂鍋螺螄粉($48)，餐廳有提供近嚟大熱嘅螺螄粉，老實講我從未食過，亦係抱住打大佬嘅心態試吓🙈。螺螄粉嘅特色在於湯底有浸獨特嘅氣味，既酸辣，且帶點唔腥嘅海鮮貝殼味，但又唔係蝦香嗰種，可能因為個湯真係用「螺」煮嘅關係🐚，我認為唔算臭嘅。砂鍋裝住湯麵，保溫效果一流。我要咗米線底，估唔到一直熱住，麵質都無變淋，仲幾彈牙。
炸蛋
$12
12 瀏覽
0 讚好
0 留言
炸饅頭
$36
10 瀏覽
0 讚好
0 留言
惹味雞軟骨
$38
9 瀏覽
0 讚好
0 留言
飲品方面🥤，我哋嗌咗特飲(+$18)，左右分別係冰爽龍眼冰同鮮檸檬梳打。龍眼冰甜蜜滋潤，啱晒解辣；而梳打檸味十足，用料唔孤寒🍋。
總括嚟講，麻辣風雲嘅食物好有水準☁️❤️🔥，佢為大家帶嚟各式各款美味嘅川菜，就算唔食得辣都不妨嚟試吓，相信會令你愛上。如果兩個人到訪的話，我建議午市嚟幫襯，性價比高，份量亦更適合👍。
張貼
