米線食坊 (已結業)

觀塘米線食坊，都幾就近地鐵站，餐廳入邊坐位唔算多，目測大概20個位倒，其實都幾迫夾，所以每次都淨係買外賣算啦，尤其而家外賣仲有飲品送🤗。米線湯底有4款，另有廿幾款配料配搭，仲有其他手工麵同擔擔麵、炸醬麵、小食等等。今日叫左一碗外賣，麻辣湯底加蘿蔔、墨魚頭 ，仲有好多配菜，韮菜、芽菜、肉碎同荽茜，增加湯底香味同口感，蘿蔔都有三大舊，多水份冇渣，墨魚頭有咬口，都幾有鮮味，湯底中辣但唔算好辣，整體味道算唔錯。