Off Town Kitchen

呢間位於高街嘅餐廳真係好細間，啲枱非常之迫，而且個枱布會走位，非常危險，如果起身坐低嘅時候拉到枱布，枱上面啲嘢全部就會跌晒落地下，我們今次食飯就係因為老公轉一轉身就倒瀉晒啲水。食物質素其實麻麻，我都唔明點解粟米湯可以好稀，甜到好似糖水咁，要加啲鹽先飲到落口⋯⋯最後我放棄左，鵝肝牛柳味道OK，龍蝦真係太細份量但味道ok，龍蝦意粉D汁唔夠龍蝦味得辣味有D可惜，啲凍檸茶，熱咖啡都係麻麻地，我們都不是太欣賞，成個觀感就係食嘅時候非常之迫，感覺真係麻麻地！