丼家和食 (已結業)

入到黎元朗，好怕果Ｄ近大馬路既餐廳排隊都排到唔洗食。今次搵到一間遠少少又唔算超級多人既日式餐廳就試試佢啦。入到去環境都算乾淨，不過就唔係果Ｄ打卡日本餐廳，比較似Ｄ親民果類（咁價格就多數無咁高啦）。因為懶得揀食咩，所以就咁叫個二人餐（包兩個湯，一個刺身拼盤，一個大沙律，兩個主食，一個和食）＄３２８，加埋一就＄３６０左右。湯就ＭＩＳＯ　ＳＯＵＰ正正常常，沙律就好大份，已經預計左會飽到嘔。刺身就每樣兩件，北寄貝就４件，又係算好多講真。（食果陣唔知係唔係刺身放得太耐先食，個蝦唔係太新鮮，其他都好好）。主食我地就揀左呢個拉麵同角切魚生飯。兩個都係好味既，魚生飯Ｄ魚生都幾新鮮，而叉燒拉麵係我最鐘意既黑蒜湯底，叉燒隻色果唔係好似平時大路果隻，不過味道都係差唔多。和食我就揀左炸蠔，本身無食過炸蠔，第一啖咬落去有驚喜，味道好好（當然炸左就唔會係鮮味，不過完全無果陣海鮮醒臭）所以ＯＶＥＲＡＬＬ好好。食晒咁多樣野行出門口真係差唔多要托住個肚行，如果唔係大食既我覺得一個主食兩個和食都應該夠飽ＬＵ