山洞食堂

營業中

休息中

燒肉真係會食上癮！今次嚟到黃竹坑嘅Southside，一於一試呢間韓式燒肉。 最上等牛肋骨牛肋骨肉鮮嫩，油脂豐富。骨邊薄膜有筋道，香氣逼人。店員仲提醒避免太韌，牛肋骨最好燒耐少少，咁就容易入口啦。 山洞和牛壽喜燒因為牛肉較薄片，所以呢個部份嘅牛肉就可以快啲上碟啦。和牛肉雪花分佈平均，牛味都幾濃。 慶州黑毛豬盛合配生菜有五花肉、豬梅肉、豬腸同豬皮，五花肉燒到脆口，好有焦香味道；店員幫手燒嘅豬皮啱啱好，唔會太腍溶晒。雪梨水冷麵食咁多肉肉之後最啱就係食返個水冷麵解下膩。雪梨汁甜甜酸酸，水冷麵都幾清爽，係夏天消暑佳品。海鮮豆腐湯 湯底鮮味、海鮮新鮮、豆腐嫩滑，而且海鮮數量都幾多，用海鮮湯撈飯特別醒胃。