影片
更多
2020-10-15
75 瀏覽
減肥係每一個女士嘅惡夢，但係我又想出去食飯喎，於是就揀咗呢一間💛💛💛新派素食餐廳試吓啦。嚟到先發現原來副主廚係鄺梓罡，成日喺電視睇佢教煮餸，所以發現原來係佢做副主廚，我就即刻好有信心。一入到黎，就見到成間餐廳設計以粉紫色為主，俾我感覺係好悠閒，即刻入到黎覺得個人好calm。隔離仲有部電視，播緊副主廚鄺梓罡煮嘢食嘅片，越睇越肚餓啊。我哋兩個人叫左一個set，另外再加左其他嘢食：和風照燒汁素鰻魚嘅手作薄餅，印度薄餅，紫貝天葵荔枝梳打。唔係講笑真係好有驚喜！一路以黎，我對印度薄餅嘅印象都可能係有薄餅然後點咖哩。所以碟薄餅一上嚟嘅時候，我即刻問一問係咪冇㗎啦，無醬點嘅？店員即刻就好細心咁解釋，個薄餅本身咸咸地，就算唔使點醬都好有味㗎啦😄😄😁然後我心諗係咪咖🧐🧐鳴呀，點知食完，我即刻覺得自己好無知！真係好好味！好好味！好好味！要講好多個三次😍😍😍😍個薄餅整得非常之出色，非常之鬆脆，又唔厚，拎起就聞到好香嘅牛油味，我好驚訝竟然一個素食薄餅可以整到咁夠味同埋口感又咁正！食落去就好似食緊台灣嘅蔥酥餅咁樣，但係有冇用到任何一粒葱！無敵，食完一舊又一舊，六塊真係唔夠食啊！極度推薦！每一位客人都應該試一次呢
一入到黎，就見到成間餐廳設計以粉紫色為主，俾我感覺係好悠閒，即刻入到黎覺得個人好calm。隔離仲有部電視，播緊副主廚鄺梓罡煮嘢食嘅片，越睇越肚餓啊。
我哋兩個人叫左一個set，另外再加左其他嘢食：和風照燒汁素鰻魚嘅手作薄餅，印度薄餅，紫貝天葵荔枝梳打。
唔係講笑真係好有驚喜！
一路以黎，我對印度薄餅嘅印象都可能係有薄餅然後點咖哩。所以碟薄餅一上嚟嘅時候，我即刻問一問係咪冇㗎啦，無醬點嘅？店員即刻就好細心咁解釋，個薄餅本身咸咸地，就算唔使點醬都好有味㗎啦😄😄😁然後我心諗係咪咖🧐🧐鳴呀，點知食完，我即刻覺得自己好無知！真係好好味！好好味！好好味！要講好多個三次😍😍😍😍個薄餅整得非常之出色，非常之鬆脆，又唔厚，拎起就聞到好香嘅牛油味，我好驚訝竟然一個素食薄餅可以整到咁夠味同埋口感又咁正！食落去就好似食緊台灣嘅蔥酥餅咁樣，但係有冇用到任何一粒葱！無敵，食完一舊又一舊，六塊真係唔夠食啊！極度推薦！每一位客人都應該試一次呢一個嘢食。🥳🥳🥳🥳🥳激推
至於另一個薄餅，個餅底又係做得好出色！呢一度啲餅底真係屈晒機！呢一個薄餅好脆，雖然上面有素鰻魚又加咗照燒汁，食落去都唔會稔晒，真係好正。其實我本身好怕食鰻魚，因為成日鯁骨，素鰻魚就一定無骨啦，所以我就開心大啖食啦，食完竟然又有好香嘅鰻魚味，我相信係佢燒得足夠，加埋照燒汁，除咗口感有少少差別之外，都真係幾似鰻魚㗎。加埋面頭嘅紫菜同照燒汁真係好開胃呀！仲有吖，個薄餅其實好大個㗎，食完真係好飽啊。推推推😋😋😋
至於荔枝梳打，夠晒refreshing，有好香嘅荔枝味，加埋梳打水飲落去好清新😋😋😋
食完呢一餐，我覺得大大咁我改變左素食嘅睇法，以前以為一定係嗰啲假叉燒，假肉同豆腐。哇，點知原來完全唔係！只要花啲心機，蔬菜都可以好好食，唔係寡到無味😍😍發現到原來素食都可以好食真係好激動😆😆😆健康都可以好食好簡單🥰🥰
又健康又好味，仲要黃gumgum💛💛💛💛💛💛，無理由唔推介😚😚😚
張貼
