翠林辣蟹舫

今晚約埋朋友仔去食招牌特色炒蟹！餐廳環境舒適寬敞，餐廳得獎招牌菜式特色炒蟹必食，其他菜式同樣有驚喜😋店員招呼好熱情。黑白胡椒炒蟹🦀炒蟹每隻約重1斤2兩，自選大中小辣度，黑胡椒濃烈刺激，白胡椒芳香不嗆喉，味道層次極豐富，蟹肉好厚身，嫩滑鮮甜。燒汁牛肋條擺盤好精緻🤩上枱時原條牛肋條已起骨，食得好方便👍🏻肉質入味又軟腍，入口還感覺到膠質，味道甜甜地，個人推介😋鵝肝醬小炒肉一上枱聞到濃香鵝肝的味道，肝脂滲入嫩肉，配搭白飯王一流😋撈汁秋葵秋葵色澤翠綠，口感爽滑，好開胃。