魷味 (已結業)

葵涌廣場嘅一樓，有一間本來我經常去食手卷嘅舖頭，但手卷店已經搬左上三樓。而家就開左呢間玉子燒，行過都見到有唔少人排隊，喺好奇心嘅驅使下，我都決定去試下，睇下份玉子燒有幾邪惡叫左一份「邪惡玉子燒」，本身佢已經有三種配料：芝士、玉米、蟹子，另外仲可以係以下配料度加多一款（蟹柳、煙肉、火腿、白磨菇、龍蝦沙律），佢地仲係即叫即做，相當新鮮，我今次就選擇左加配白磨菇。等左一陣，玉子燒好快就到手。望落去已經見到好多蟹子係面，咬落個玉子燒度，係燙口嘅，都做到每啖有白磨菇、玉米，但相對我覺得少左份芝士味。而價錢黎講，28蚊貴左少少，如果可以調整到22蚊左右就會比較合理d。