一門 (已結業)

一門係我其中一間非常鍾意既日本餐廳，因為佢哋好多菜式都非常出色。其中一樣係我每次必點的亦係佢哋的招牌菜就係厚燒玉子。有好多款玉子比客人選擇，我最推薦明太子玉子燒，非常肥美的玉子中間夾住好多明太子，廚師出手一點都唔寒酸，咬落去你會發現蛋非常滑，仲有蛋汁溢出，一個好的玉子燒一定要燒得剛剛好唔可以過左火候。另一款每次必點既係東洋卷，同一般的roll唔同，並唔係同飯去包住食材，而係用類似薄餅皮去包住鰻魚，牛油果，蟹籽，沙律醬，非常足料而美味！