鮨逸

營業中

休息中

為慶祝聖誕節,就同朋友嚟呢間連平日都座無虛席的餐廳食廚師發板。今夜叫咗招牌逸餐（$1480)，全有25品，額外加一支清酒（$780)。整個餐飲體驗十分豐富，每一碟都很精緻，用料和味道各有特色，完全唔會重複。而擺盤很美，時令食材，非常新鮮，仲全部海鮮刺身都好鮮甜（特別是貝殼類都是即開），而醬汁配搭都能將味道層次提升。呢個餐最特別嘅係可以食三款唔同的海膽，有紫海膽、白海膽和馬糞海膽。呢三個海膽嘅味道和口感各有特色，而我最鐘意係馬糞海膽。由於個餐有25品，有少少有似食緊放題，不停食 ，每款份量精緻，可以一次過食好多唔同的海鮮、調味和烹調方法。大大大滿足❤️我同朋友都好鐘意餐廳的樂融融氣氛。壽司師傅同其他職員都好有活力同臉帶笑容，會主動介紹食物同樂意和客人交流，很隨性地溝通但能同時讓我地對食材加深了解。