影片
更多
2022-01-31
2743 瀏覽
雖然晚市禁堂食，但晏晝食返餐靚團年飯都不失一個好選擇！尖沙咀中菜廳胡同 近日就推岀左4.5小時嘅non-stop brunch，可以任食點心 任飲香檳、cocktails、sake等不同酒精飲品。當然唔飲酒嘅朋友仔都可以揀返soft drinks only，價錢都會平返少少。餐廳現搬遷到H Zenter，裝潢古色古香 不失雅致，樓底極高極之寛敞。更坐擁維港美景，不時見到直升機升降。Brunch嘅前菜、點心、主菜、甜品均有驚喜位。雖然任食嘅款式得四款，但其實本身提供嘅菜式數量都唔少，encore兩三次已經好飽。絕對唔會唔夠喉。而且辣子雞超岩送酒呀！對住個海景飲返兩杯chill爆！重點係可以free flow 四個半鐘𝙁𝙚̄𝙣𝙜 𝙒𝙚̀𝙞 𝘽𝙧𝙪𝙣𝙘𝙝𝙒𝙞𝙩𝙝 𝙛𝙧𝙚𝙚-𝙛𝙡𝙤𝙬 (𝙖𝙡𝙘𝙤𝙝𝙤𝙡𝙨)𝔽𝕣𝕚 - 2:30pm – 6:00pm HK$688pp𝕊𝕒𝕥 & 𝕊𝕦𝕟 - 11:00am – 1:30pm HK$688pp //1:30pm – 6:00pm HK$988up pp𝙒𝙞𝙩𝙝 𝙨𝙤𝙛𝙩 𝙙𝙧𝙞𝙣𝙠𝙨𝕊𝕒𝕥 & 𝕊𝕦𝕟 - 11:00am – 1:30pm HK$588p
餐廳現搬遷到H Zenter，裝潢古色古香 不失雅致，樓底極高極之寛敞。更坐擁維港美景，不時見到直升機升降。
Brunch嘅前菜、點心、主菜、甜品均有驚喜位。雖然任食嘅款式得四款，但其實本身提供嘅菜式數量都唔少，encore兩三次已經好飽。絕對唔會唔夠喉。而且辣子雞超岩送酒呀！對住個海景飲返兩杯chill爆！重點係可以free flow 四個半鐘
𝙁𝙚̄𝙣𝙜 𝙒𝙚̀𝙞 𝘽𝙧𝙪𝙣𝙘𝙝
𝙒𝙞𝙩𝙝 𝙛𝙧𝙚𝙚-𝙛𝙡𝙤𝙬 (𝙖𝙡𝙘𝙤𝙝𝙤𝙡𝙨)
𝔽𝕣𝕚 - 2:30pm – 6:00pm HK$688pp
𝕊𝕒𝕥 & 𝕊𝕦𝕟 - 11:00am – 1:30pm HK$688pp //
1:30pm – 6:00pm HK$988up pp
𝙒𝙞𝙩𝙝 𝙨𝙤𝙛𝙩 𝙙𝙧𝙞𝙣𝙠𝙨
𝕊𝕒𝕥 & 𝕊𝕦𝕟 - 11:00am – 1:30pm HK$588pp //
1:30pm – 6:00pm HK$788pp
— — — — — — — — — — — — — ⠀⠀
𝘼𝙥𝙥𝙚𝙩𝙞𝙨𝙚𝙧𝙨
1️⃣山葵花枝
大大片嘅花枝都幾厚切，軟彈毫不乾韌。山葵香得黎 唔會太攻鼻，呢個開胃冷盤做前菜一流。
2️⃣煎鵝肝燻流心蛋
流心蛋生熟程度恰到好處，入口富燻香。略嫌調味偏淡，味道主要黎自上面嘅煎鵝肝。鵝肝香氣十足，鹹度比想像中低。不過外層炸皮?偏厚，鵝肝亦未到入口即融。
3️⃣酥炸海皇卷
海皇卷超酥脆，炸皮薄唔油膩！當蝦遇上帶子同蟹肉，鮮味好突岀呢~
𝙎𝙤𝙪𝙥
4️⃣宋嫂鱈魚羹
鱈魚羹嘅稠度比想像中低，味道較為清淡。豆腐滑溜，鱈魚魚味突岀。食完炸物清清味蕾都唔錯嘅~
𝙁𝙧𝙚𝙚 𝙛𝙡𝙤𝙬
5️⃣泡椒蝦餃
係encore左好幾次嘅蝦餃！蝦餃超足料！有大大粒彈牙蝦肉。食落好香泡椒，好惹味！好鍾意蝦餃皮鮮艷嘅黃色， 皮厚薄適中，唯獨熱到岀晒煙咁食嘅時候 質地唔夠煙韌，嘆凍啲反而好食啲。
6️⃣蟹子燒賣
燒賣同樣包住彈牙蝦肉。食下食下覺得同蝦餃差唔多味，不過就多左一絲菇嘅香氣~
7️⃣蜜汁叉燒包
叉燒包正常發揮，軟熟有彈性
8️⃣山城辣子雞
辣子雞炸得帶些微酥脆，雞肉成功保持肉汁，毫不乾柴，越食越辣，超岩送酒食呀！
𝙈𝙖𝙞𝙣 𝘾𝙤𝙪𝙧𝙨𝙚 (𝘊𝘩𝘰𝘰𝘴𝘦 𝘰𝘯𝘦 𝘱𝘦𝘳 𝘱𝘦𝘳𝘴𝘰𝘯)
見龍在田 // 蔥燒安格斯牛柳 // 宮保蝦 // 香茅大虎蝦 +$98 // 魚香星斑 +$128 // 蒙古烤羊 +$98
9️⃣魚香星斑 +$128
星斑比想像中細塊，不過其實食到主菜都飽左五六成。星斑調味恰到好處，帶豆瓣醬嘅香氣之餘，魚味突出，肉質結實。不過最外面就好似有一層唔太脆嘅薄炸衣。
9️⃣蒙古烤羊 +$98
全餐最鍾意嘅一道菜！烤羊架juicy軟嫩，食到羊肉嘅鮮，又唔會好羶。近骨啲肥膏位不得了！食落甜甜地帶油脂香，好重茴香味，重口味人士大愛！
served with Soba noodles
全部主菜都會跟一碗蕎麥麵~ 質地同平時食開嘅有啲唔同，好有彈性。不過就無加任何調味，一定要撈餸食，如果可以加返少少醬汁就好啦。
𝘽𝙧𝙪𝙣𝙘𝙝 𝙙𝙚𝙨𝙨𝙚𝙧𝙩 𝙥𝙡𝙖𝙩𝙩𝙚𝙧
🔟Homemade tofu panna cotta + Lava sea salt & caramel chocolate mochi + Selection of ice creams
大家一定要食左粒mochi先！食晒其餘兩款先食，先發現mochi帶微温 原本應該係熱嘅！入面嘅流心海鹽焦糖朱古力醬好濃好好食！但記住要一啖過！如果唔係會bit晒啲醬岀黎。豆腐Panna cotta軟滑，係好天然嘅豆香，好濃豆味又唔甜。是日為烏龍茶雪糕，茶香突岀，同樣唔會太甜。𝙒𝙞𝙣𝙚 & 𝘾𝙤𝙘𝙠𝙩𝙖𝙞𝙡𝙨
北京桂花陳釀
甜甜地 帶米酒同話梅香
醉群芳
好香桃味之餘，唔會好甜好俗好假，好易入口呢~
張貼
