石一燒 (九龍城)

營業中

休息中

石一燒 • 九龍城平時隱世就聽得多，係九龍城區一條冷清嘅街有一間真係夠隱嘅餐廳，隱得黎仲要生存到嘅肯定有啲料。呢間餐廳係主打較高質素日式燒肉，餐廳位置比較細，但整體環境簡潔和諧，燈光營造溫暖感覺。今次我叫左極上和牛盛會2人前燒肉套餐，價錢$698。店員上每款菜時都有介紹菜式同燒肉方法，好有禮貌😋😋..✅ 日本九洲A4和牛三角胸店員提議首先燒呢款肉類，牛三角胸油脂分布非常均衡，每面大約燒10秒即可，一入口油脂充滿口腔，柔和而細膩！😙..✅ 日本九洲A4和牛上前腿肉呢款肉同牛三角胸大致一樣，油花略有不同，亦都係每邊燒大約10秒，肉質軟嫩，食完簡直非有滿足感😙..✅ 澳洲和牛封門柳 封門柳肉質會比較結實，建議燒嘅時候六面都燒一燒，咁樣可以食落又有香味又保留較嫩身嘅質感👍🏼..✅ 其他前菜分別有辣帶子裙邊、炸鮮奶、蟹棒。另外仲有沙律，甜品，甜品係抹茶雪糕，可自行調節抹茶濃度。