雞老闆

營業中

休息中

尋晚行開旺角，天氣咁凍，見到呢間新開嘅雞老闆，主打椰子雞煲，啱晒冬天食，滋補又保暖😍老闆非常用心，而且完全唔孤寒，竟然用六七個椰青，即劈即加落煲入邊做湯底，完全冇加水，所以超級清甜！煮他嘅雞肉當然非常高質，已經起晒骨，非常細心，而且切到細細舊，好似平時打邊爐食牛咁，30秒左右就食得，完全顛覆我對雞嘅印象😆 雞肉入口非常鮮嫩，重點係雞皮，好爽口！完全冇諗過雞皮可以咁好食！👍🏻👍🏻👍🏻呢個二人套餐仲包四隻泰國新鮮大頭蝦，隻隻爆糕，勁新鮮！仲送兩隻鮑魚同唔同嘅丸類，加埋時菜拼盤，兩個人食啱啱好。重點係個湯底越煲完濃郁，因為冇加水同味精，飲幾多都唔覺得口渴，最後我哋加多碟牛肉，質素都非常之高，好夾個椰子湯。