影片
更多
2021-11-22
847 瀏覽
前菜1. 北海道筋子 - 外表渾圓,食落好清甜,爽口,彈牙,完全無腥味. 加上有淡淡柚子香, 好出色嘅第一道菜👍🏻👍🏻👍🏻2. 愛知縣白象拔刺身配肝醬 - 肝醬唔太咸,有鵝肝醬texture味道比較搶口,少許蓋過象拔蚌鮮味, 適合唔中意腥味嘅人3. 鳥取甘海老昆布蒸伴魚子醬 - 魚子醬有咸香, 海老非常鮮甜,少許舔口,好特別. 撈埋魚子醬一齊食剛好👍🏻👍🏻4. 鮟鱇魚肝配烤鱈魚片 - 時令的鮟鱇魚肝新鮮味濃,口感順滑唔痴口. 鱈魚乾烤得非常香脆, 帶甜, 加上上面的紫蘇花,小菊作中和,雖然濃味但食完無好想飲水嘅感覺, 另一道highlight👍🏻👍🏻👍🏻5. 清酒昆布煮鮑魚配鮑魚肝醬 - 鮑魚煙韌入味, 唔會過咸.醬有少少內臟苦澀,但配上鮑魚影響不大. 成隻鮑魚比手掌大,但八個人分其實都係分得兩片, 賣相比味道吸引壽司 - 赤醋舍利(飯), 偏酸6. 熊本天草半島石垣鯛 (10日熟成) - 魚肉煙韌,有油脂感,魚味比較淡但有甜味,普普通通7. 墨西哥呑拿赤身 (30日熟成) - 雖然無油花但入口都有融化感覺,可惜魚本身淡啲,無乜味 (可能係產地問題), 感覺舍利酸味蓋過魚8. 根室秋刀
1. 北海道筋子 - 外表渾圓,食落好清甜,爽口,彈牙,完全無腥味. 加上有淡淡柚子香, 好出色嘅第一道菜👍🏻👍🏻👍🏻
2. 愛知縣白象拔刺身配肝醬 - 肝醬
唔太咸,有鵝肝醬texture
味道比較搶口,少許蓋過象拔蚌鮮味, 適合唔中意腥味嘅人
3. 鳥取甘海老昆布蒸伴魚子醬 -
魚子醬有咸香, 海老非常鮮甜,少許舔口,好特別. 撈埋魚子醬一齊食剛好👍🏻👍🏻
4. 鮟鱇魚肝配烤鱈魚片 - 時令的鮟鱇魚肝新鮮味濃,口感順滑唔痴口. 鱈魚乾烤得非常香脆, 帶甜, 加上上面的紫蘇花,小菊作中和,雖然濃味但食完無好想飲水嘅感覺, 另一道highlight👍🏻👍🏻👍🏻
5. 清酒昆布煮鮑魚配鮑魚肝醬 -
鮑魚煙韌入味, 唔會過咸.醬有少少內臟苦澀,但配上鮑魚影響不大. 成隻鮑魚比手掌大,但八個人分其實都係分得兩片, 賣相比味道吸引
壽司 - 赤醋舍利(飯), 偏酸
6. 熊本天草半島石垣鯛 (10日熟成) - 魚肉煙韌,有油脂感,魚味比較淡但有甜味,普普通通
7. 墨西哥呑拿赤身 (30日熟成) -
雖然無油花但入口都有融化感覺,可惜魚本身淡啲,無乜味 (可能係產地問題), 感覺舍利酸味蓋過魚
8. 根室秋刀魚(3日熟成)配薑蔥秋刀魚肝醬 - 另一味時令菜,超級肥美！醬帶苦甘,平衡了魚的肥膩感,好食👍🏻👍🏻👍🏻
9. 福岡魷魚赤海膽(濱中町) -
海膽鮮甜,魷魚爽口,口感豐富,fulfilling👍🏻
10. 北海道魚市天上鰤(11日熟成) -
口感厚身肥美,入口即融,似拖羅. 同樣無乜魚味, 淡身
和食:
11. 子持香魚甘露煮 - 多春, 軟骨可食, 甜煮甜味十足. 多肉版多春魚, 不錯
12. 醬油燒烏魚白子配柚子皮 - 白子口感好rich, creamy, 無內臟味, 汁味道啱啱好, 可以飲多兩啖
13. 吉列炸春魚配海膽辣醬(雲丹) -脆皮炸得好好, 皮同舊魚基本上係緊貼, 同用炸粉炸好唔同. 魚中間七成熟, 保持鮮嫩唔乾. 海膽醬加左雲丹辣椒油, 只係微辣, 易入口. 好值得推介👍🏻👍🏻👍🏻
14. 炭火烤鰻魚伴生椒粉 - 即烤即食, 整嘅時候成房煙😂 看似好燶, 其實烤得剛好, 層皮非常脆, 加上陣陣焦香同juicy嘅魚肉, 超好食👍🏻👍🏻👍🏻
15. 香霜蟹伴陳村粉配外子蟹膏醬 - 無多餘調味, 主要食蟹同蟹膏鮮味.蟹肉有少少殼扣少少分. 蟹膏好多好香, 肉鮮甜，配上陳村粉有新意, 令成個dish更balance同飽肚
食完和食就去到最後四舊壽司:
16. 岩手石垣貝 - 爽口脆身, 師傳握完大力拍一下, 話會爽彈啲. 味道似北寄貝
17. 鹿兒島地膽 (赤海膽) - 比一般海膽無咁甜, 食風味同鮮. 雖然唔係好甜但完全無苦味. 個人比較中意哩種, 有少少海水鮮味, 唔係死甜 👍🏻👍🏻
18. 禾桿草煙燻鰹魚 - 先燒脆魚皮, 再燒燻魚肉. 油脂感重, 入口溶化, 魚皮有焦香, 做法比火炙好👍🏻👍🏻👍🏻
19. 拖羅卷 (大拖，中拖，赤身) -
先用火槍燒呑拿皮下脂肪, 燒出魚油, 放入蔥花, 配上黃蘿蔔絲包成卷物. 做法幾複雜. 最油最heavy嘅一道, 食完一定飽. 不過有太多種味道, 唔太食到魚鮮. 魚肉保持水準，油脂感同香味爆燈，用來作結非常滿足。
最後最後兩道就係湯同水果:
20. 貝柱蜆湯 - 蜆味重, 貝柱好鮮甜, 海水味濃. 中意鮮味會好中意👍🏻
21. 長野縣香印青提配白酒啫喱 - 正常無乜特別
食完21樣嘢, 雖然每碟都係細細碟但真係好夠飽, 女仔應該要留肚食先食特哂. 總括而言成餐飯的確好高質, 有超過一半菜式都好值得推介, 尤其係前菜同和食, 絕對有驚喜!!!
張貼