影片
更多
2024-12-30
0 瀏覽
一間英倫圖書館主題餐廳，可以睇到維港靚景，晚上仲有 live band 表演，氣氛好好，非常適合慶祝特別日子。我之前單點過佢地嘅菜式已經覺得幾好，今次試咗佢地嘅 品嚐菜單 ($1,388/位)，一樣有驚喜！分享下幾道菜嘅感受：海鮮三重奏有魚子醬、煙燻鰻魚慕斯、日本海膽同八爪魚薄片。最深刻係海膽，入口即溶，好似食緊茶碗蒸咁；鰻魚慕斯又滑又香，幾有層次感。蘇格蘭國王蟶子與帝王蟹蟶子爽口有彈性，配埋鮭魚籽幾特別；底部仲有蟹餅，蟹味濃郁，真係幾好食。意大利青瓜花與伊比利亞火腿鴨肉蓉、芋泥加上36個月熟成嘅火腿，炸成個脆球，雖然脆皮有啲鹹，但配返杯飲品就啱啱好。炭烤法國乳鴿乳鴿分咗兩部分：鴿腿皮脆得嚟唔會乾，鴿胸仲要滑到爆汁，係我食過最好嘅乳鴿之一！整體黎講，品嚐菜單款式夠多又有心思，如果有啲特別場合慶祝，值得試試！
我之前單點過佢地嘅菜式已經覺得幾好，今次試咗佢地嘅 品嚐菜單 ($1,388/位)，一樣有驚喜！分享下幾道菜嘅感受：
海鮮三重奏
有魚子醬、煙燻鰻魚慕斯、日本海膽同八爪魚薄片。最深刻係海膽，入口即溶，好似食緊茶碗蒸咁；鰻魚慕斯又滑又香，幾有層次感。
蘇格蘭國王蟶子與帝王蟹
蟶子爽口有彈性，配埋鮭魚籽幾特別；底部仲有蟹餅，蟹味濃郁，真係幾好食。
意大利青瓜花與伊比利亞火腿
鴨肉蓉、芋泥加上36個月熟成嘅火腿，炸成個脆球，雖然脆皮有啲鹹，但配返杯飲品就啱啱好。
炭烤法國乳鴿
乳鴿分咗兩部分：鴿腿皮脆得嚟唔會乾，鴿胸仲要滑到爆汁，係我食過最好嘅乳鴿之一！
整體黎講，品嚐菜單款式夠多又有心思，如果有啲特別場合慶祝，值得試試！
張貼
