影片
更多
2018-05-20
290 瀏覽
星期五lunch想食好啲，見呢間泰國菜咁多好評於是去試下。樓下門口係好多人等，但上到去其實根本坐唔滿……😑落單泰國姐姐有啲口音，不過都算有禮貌嘅，我哋其實都只係點set lunch,但有2個餐等咗半個鐘都未有，你知啦打工仔lunch time好寶貴嘛! 催了2次都未嚟，懷疑漏單...準備催第3次先上到一個餐，我哋其他人特登食慢啲等埋齊，但都差不多食晒了，最後一份先上……食物味道係唔錯嘅，但講真呢個價錢可以去其他地方食好啲~到埋單時，戲肉來了!由於有零頭，我哋俾咗幾個毫子湊夠1蚊，點知佢哋拒收毫子!! 但成間餐廳冇貼過任何"唔收毫子"嘅標示，餐牌上冇寫，入座時更冇人提過呢樣嘢，我哋只係提出疑問點解唔收，個疑似senior dd 嘅waitress突然大大聲話"而家去街市都唔收毫子啦!!" 之後仲好豪氣咁話"得!我豪俾你!!" 但隨即收晒我哋啲錢連毫子，我哋好疑惑之際，佢竟然掟曬啲毫子係個閂埋咗嘅收銀機度!!😰我哋臨走落緊去仲聽到佢同啲同事話我哋添~其實拒收毫子唔係問題，如果佢態度好dd咁解釋我哋死都會死到個$1銀俾你嘅，其實毫子都係錢，都有尊嚴嘅，掟曬落地最後咪又係要自己執返。同埋如果一
樓下門口係好多人等，但上到去其實根本坐唔滿……😑
落單泰國姐姐有啲口音，不過都算有禮貌嘅，我哋其實都只係點set lunch,但有2個餐等咗半個鐘都未有，你知啦打工仔lunch time好寶貴嘛! 催了2次都未嚟，懷疑漏單...準備催第3次先上到一個餐，我哋其他人特登食慢啲等埋齊，但都差不多食晒了，最後一份先上……
食物味道係唔錯嘅，但講真呢個價錢可以去其他地方食好啲~
到埋單時，戲肉來了!
由於有零頭，我哋俾咗幾個毫子湊夠1蚊，點知佢哋拒收毫子!! 但成間餐廳冇貼過任何"唔收毫子"嘅標示，餐牌上冇寫，入座時更冇人提過呢樣嘢，我哋只係提出疑問點解唔收，個疑似senior dd 嘅waitress突然大大聲話"而家去街市都唔收毫子啦!!" 之後仲好豪氣咁話"得!我豪俾你!!" 但隨即收晒我哋啲錢連毫子，我哋好疑惑之際，佢竟然掟曬啲毫子係個閂埋咗嘅收銀機度!!😰
我哋臨走落緊去仲聽到佢同啲同事話我哋添~
其實拒收毫子唔係問題，如果佢態度好dd咁解釋我哋死都會死到個$1銀俾你嘅，其實毫子都係錢，都有尊嚴嘅，掟曬落地最後咪又係要自己執返。
同埋如果一個人去食一個set lunch加埋一的話，點都有毫子位喎，咁點算?? 一係你就寫明唔收，再唔係講明只收卡唔收cash咁咪最方便囉～☺
不過就係咁你哋贏咗$1輸咗一班客啦～拜拜👋
張貼