美心西餅 (綠楊坊) (已結業)

15-9-2021( Tue)唔知邊間vendor送果籃同月餅俾女高層,秘書就俾一個拔絲蓮蓉月餅我,到前晚,我就同屋企人分享.由於覺得凍係整唔到拉絲,於是由雪櫃拎出,放喺室溫閒置先,再上網睇有冇講點食,搵到喇,真係放喺室溫亦唔使翻熱,而且餅皮內藏花生碎,大約15分鐘後,我就將呢個size約直徑4cm,2.5cm厚嘅月餅切開然後慢慢拉開,係做到拉絲效果,不過冇佢講得咁滑,或者係我閒置唔夠啦.之後再切,每刀都拉到絲,咁食啦,我食到花生味,蓮蓉味好似被蓋過咗,好彩拔絲蛋黃都叫做仍滑.味道: 3分到17-9-2021(Fri)男同事SY俾咗一盒又係唔知邊間vendor送嚟嘅月餅我,都係美心嘅,呢個係正常雙黃白蓮蓉月餅,好耐冇食啦,咁我都俾咗一個女同事ET.呢個係正常size,對比鍾菜館嘅,果然鍾菜館嘅係細啲,我喺噚日18-9-2021(Sat)晏晝拎出嚟食,切開睇,蛋黃只有少少油又係乾嘅,o衣o家真係好蛋黃難求?食落都唔使講,就係乾,但有蛋黃香,蓮蓉都係正常滑甜.味道: 2分唔知喺邊間分店攞嚟,求祈寫喺呢間.上次食評係2018年1月30日刊登嘅呢篇: https://www.openrice.