影片
更多
2023-03-02
45 瀏覽
人氣老字號雪山冰廳開的副線蘇山雞飯，最出名嘅招牌海南雞，仲獲海南雞關注組推介，當然要試試！餐廳裝修雅致，用色設計都落過心思，感覺就好似係新加坡餐廳，完全唔似茶餐廳或冰廳，旁邊座位略窄，四人卡位會更加舒服。餐牌超級多選擇，款式亦多，咩都想試。➤豐盛海南雞飯（半隻) (晚餐另跟油飯 湯品)無骨海南雞啖啖肉，肉質鮮嫩有彈性，油份重，媲美貴餐廳出品。配上海南雞必備嘅三種醬料，唔會過鹹味道適中。油飯以香茅、南薑及斑蘭葉炒香，顏色同其他舖頭唔同，飯粒粒分明，食多兩啖致肥之選。另加錢轉咗白胡椒排骨茶，新加坡嘅風格，好重胡椒味，反而藥材味唔濃。➤檳城黑豉油叉燒食新加坡嘢，泰國嘢，一般好少會嗌叉燒。見到餐廳特別推介，好奇心之下決定試吓。絕對有驚喜！一試就知餐廳用靚豬，肥瘦適中，肉質好爽口，味道同中式叉燒唔同，少咗一浸蜜糖香，不過就多咗一層豉油嘅味道，相對味濃，值得一試。➤醬油小食拼盤有雞蛋，豬手同埋雞腳，份量一啲都唔細，都夠四個女仔share。豬手皮彈牙，雞腳雞蛋普普通通比下去，一樣用上黑豉油汁。最值得一讚一定要是黃椒辣醬，超級辣不過好惹味！➤森巴辣蝦醬通菜嗌得太多肉都想食一個菜，點燒得炒通菜。除咗蝦醬
餐廳裝修雅致，用色設計都落過心思，感覺就好似係新加坡餐廳，完全唔似茶餐廳或冰廳，旁邊座位略窄，四人卡位會更加舒服。餐牌超級多選擇，款式亦多，咩都想試。
➤豐盛海南雞飯（半隻) (晚餐另跟油飯 湯品)
無骨海南雞啖啖肉，肉質鮮嫩有彈性，油份重，媲美貴餐廳出品。配上海南雞必備嘅三種醬料，唔會過鹹味道適中。油飯以香茅、南薑及斑蘭葉炒香，顏色同其他舖頭唔同，飯粒粒分明，食多兩啖致肥之選。另加錢轉咗白胡椒排骨茶，新加坡嘅風格，好重胡椒味，反而藥材味唔濃。
➤檳城黑豉油叉燒
食新加坡嘢，泰國嘢，一般好少會嗌叉燒。見到餐廳特別推介，好奇心之下決定試吓。絕對有驚喜！一試就知餐廳用靚豬，肥瘦適中，肉質好爽口，味道同中式叉燒唔同，少咗一浸蜜糖香，不過就多咗一層豉油嘅味道，相對味濃，值得一試。
➤醬油小食拼盤
有雞蛋，豬手同埋雞腳，份量一啲都唔細，都夠四個女仔share。豬手皮彈牙，雞腳雞蛋普普通通比下去，一樣用上黑豉油汁。最值得一讚一定要是黃椒辣醬，超級辣不過好惹味！
➤森巴辣蝦醬通菜
嗌得太多肉都想食一個菜，點燒得炒通菜。除咗蝦醬，食得出加咗少少蒜蓉去炒，先灼熟後炒，味道較其他菜式淡。
➤鮮油咖吔多士
必點！爆卡之選。麵包烤得脆卜卜，加上一層薄身的咖吔醬，另外再夾最少5mm牛油，熱辣辣加上凍牛油，同菠蘿油原理一樣不得了。
➤夜市沙嗲
晚餐可以半價加一個小食，揀咗串燒。牛肉雞肉各三串，牛肉味濃，加沙嗲好夾。雞肉非常厚肉，但係唔鞋口，加上黃辣椒醬更加正。
另外仲單點咗嘢飲，首選一定係熱奶茶，可以加煉奶就變成茶走。香滑亦都好香濃，果然係冰廳出品。
四人用餐，選擇困難咩都想嗌，Why not both，埋單都不用$600，太子旺角區而言，價錢非常相宜。
張貼
