一門 (已結業)

海膽深海池魚，這道菜好醒胃，酸酸尾尾既醬汁，配刺身食一樣咁夾，唔使經常都配wasabi咁單一，海膽有2種，橙色的口感比較幼滑，但海膽味未算好突出，黃色的口感較結實，不過海膽味相當濃郁。厚燒玉子，蛋煮得岩岩好，外層帶有少少半凝固狀態，而且每一口食落都好滑身。海膽吞拿魚壽司卷，共6件，由上至下係海膽、吞拿魚刺身、吞拿魚蓉、壽司米，刺身和蓉係兩種不同口感，混合一齊食口感層次豐富，加埋海膽令味覺更加提升。炸蟹肉卷，共4球，餡料係蟹肉和忌廉，外層酥脆，內裏係“杰”身既軟滑餡料，有d似日本既可樂餅，碟上既醬汁係梅子味，酸酸地夠醒胃，而且可以解膩。生薑豚肉飯，豚肉食落有油脂香味，油脂比例岩岩好，估計係7成肉3成脂肪既黃金比例，另外飯同樣有驚喜，每一啖都食到有生薑既味道，簡直係滲入左每一粒米。蜜桃梳打/海鹽荔枝梳打，大杯兼且冰凍解渴，海鹽荔枝加入左椰果兩者永遠都係絕配。