Jumbo Cafe (已結業)

假期會去大埔食野，一來近、二來有好多選擇，上次食完拉麵，今次就試在對面的cafe，好似是新開張~~環境算乾淨舒適，因為暫時客人不多，可以坐卡位。前菜有蕃茄湯或三文魚沙律，湯似是新鮮蕃茄打成，質感較厚身，好味！而沙律菜夠新鮮。芝士安格斯burger $88賣相看上去不錯，香噴噴好吸引薯條是原個薯仔切條炸成，好香口，而且再灑上味粉，相當不錯。至於burger份量剛好，牛肉算鬆化，內裡有芝士、生菜、酸瓜等，都幾好味，如果多點醬汁調味就好。本來是點比目魚配白汁鮮露筍，但店員說老細剛出海釣左一條三十多斤的深海魚，類似龍躉的魚類，所以今日會選用此魚。魚肉較實肉，有骨膠原，朋友說味道不錯。我們另外加$12點青檸柚子蜜及凍cappuccino，但味道完全不合格，要加錢不太值，希望水吧可以改善。