HUSK (已結業)

今早同大少爺去 Grand Cinema 睇戲，在大雪房困了兩個半小時之後，饑寒交迫之下慌不擇路，貪就腳便到此，只想簡簡單單求求其其要些熱湯河 warm up 番靈魂同軀殼。要了生牛河、海鮮喇沙和香茅脆雞，牛河和喇沙都是用同一種類的河粉，一大餅的要用筷子 "揚散" 來吃，好似一早預先淥好放在碗中，然後到有 order 時便即刻覆倒到上桌的大碗中再澆上湯，河粉 "淋pat pat"，湯唔夠熱亦唔夠香料，正宗越色河粉一定會有的吊味青檸都省掉，而牛肉是完全冇味的；喇沙湯底略為惹味但同樣唔夠熱，隻大頭蝦雖未至於霉但肉質很 "淋"，感覺不新鮮，其他海鮮配料少得幾乎找不到，反而有不少雞肉，但都是淡而無味的　問服務員要水，sorry 他們是沒有免費的普通水供應，閣下只可選擇俾錢要樽裝水或是要其他飲品 …… 既然如此，我們亦可選擇唔要飲品，寧願到樓下 Starbucks 買果汁都唔屈服於這樣的服務！一句到尾，冇下次。