莆田

營業中

休息中

今日我同朋友去到位於中環嘅莆田食飯，莆田最近出咗新嘅餐牌，就係佢哋嘅海蠣餐牌，有唔同嘅餸菜可以選擇。九層塔燜海蠣呢個海蠣嘅份量都幾多，每粒嘅海蠣都非常之飽滿，每一啖都充滿着海鮮嘅香味，加上呢度菜用咗唔少嘅蒜頭去烹調，令到蒜蓉嘅香味非常突出。排骨佢哋最近新出咗依個排骨嘅菜式，排骨肥瘦均勻，入口唔會覺得太過油膩，但亦都有豬肉嘅肉香。媽祖平安麵呢個麵條非常之彈牙，加上有唔少嘅配菜，包括雞蛋絲，紫菜，蝦仁，以及豆腐等等，令到口感非常豐富。甜品方面，我哋點咗桂花陳皮燉雪梨，呢個甜品非常之有特色，餐廳用咗成個雪梨去炮製呢一度甜品，雪梨吸收晒桂花嘅香味，令到每一啖雪梨肉都能夠感受到陳皮同桂花嘅香味。整體嚟講，我對於今餐嘅食物質素好滿意，餐廳服務亦都好周到，令到我渡過咗一個愉快嘅晚上。