影片
更多
2020-05-07
81 瀏覽
平時都係睇電視節目介紹日本食物，好耐之前我記得TVB有介紹過菊月町，但就真係好難約到，因為太多人預約。我見由於疫情關係，所以就膽粗粗去即日Book，又Ok喎。佢有兩款「廚師發辦」嘅套餐，我叫左個係$998，連埋加一$1100左右，食左2個半鐘，佢哋上菜上得好有節奏，會細心觀察你食野嘅進度，再調整自己製作的速度，非常細心。..一開始係烏賊🦑丸配白飯魚乾，丸係用油新鮮炸，佢哋自己有一個鐵板燒嘅爐，爐上放上煲，煲內有滾油，新鮮炸，所以非常熱辣辣，鮮味，最緊要係賣相都好靚。..再之後嚟嘅就係間白魚要配海葡萄，魚肉鮮味，再配上酸酸甜甜的海葡萄，作為前菜來講，就真係非常開胃。..跟住落嚟嗰個就係左口魚配烏魚籽配海藻綿。海藻棉落咗柚子醋，同埋魚嘅鮮味一齊配搭，就更加吊到陣鮮味出來，而且酸酸的，更加刺激味蕾。..之後落嚟嘅就係金龍鯛配蛋黃醬，咁金龍鯛本身啲肉比較滑，再配埋蛋黃醬，就更加高一個層次。.之後就一定要提呢個拖羅，佢初頭嚟到嘅時候，我都猶豫點解會有啲三文魚子喺上面，而佢係冇比豉油。但之後我明白了，因為原來呢啲三文魚子，當佢爆開嘅時候，係個口入邊，就會成為左拖羅嘅汁，確實巧妙。.食到中間嘅時候，
我見由於疫情關係，所以就膽粗粗去即日Book，又Ok喎。
佢有兩款「廚師發辦」嘅套餐，我叫左個係$998，連埋加一$1100左右，食左2個半鐘，佢哋上菜上得好有節奏，會細心觀察你食野嘅進度，再調整自己製作的速度，非常細心。
.
.
一開始係烏賊🦑丸配白飯魚乾，丸係用油新鮮炸，佢哋自己有一個鐵板燒嘅爐，爐上放上煲，煲內有滾油，新鮮炸，所以非常熱辣辣，鮮味，最緊要係賣相都好靚。
.
.
再之後嚟嘅就係間白魚要配海葡萄，魚肉鮮味，再配上酸酸甜甜的海葡萄，作為前菜來講，就真係非常開胃。
.
.
跟住落嚟嗰個就係左口魚配烏魚籽配海藻綿。
海藻棉落咗柚子醋，同埋魚嘅鮮味一齊配搭，就更加吊到陣鮮味出來，而且酸酸的，更加刺激味蕾。
.
.
之後落嚟嘅就係金龍鯛配蛋黃醬，咁金龍鯛本身啲肉比較滑，再配埋蛋黃醬，就更加高一個層次。
.
之後就一定要提呢個拖羅，佢初頭嚟到嘅時候，我都猶豫點解會有啲三文魚子喺上面，而佢係冇比豉油。
但之後我明白了，因為原來呢啲三文魚子，當佢爆開嘅時候，係個口入邊，就會成為左拖羅嘅汁，確實巧妙。
.
食到中間嘅時候，佢會送上一碗魚湯，非常熱辣辣，非常杰撻撻。好重魚味。
.
海膽壽司係用加拿大嘅海膽，餐廳一啲都唔吝嗇，俾左勁多海膽，海膽好鮮，冇腥味，不錯。
.
.
之後再來了好多款唔同嘅魚，前晚食咗10款都有。款款都有不同配搭，雖然同樣係魚，但都食出唔同嘅味道。
.
.
最後係一個煎鮑魚，呢間餐廳個廚師好用心，鮑魚本身啲腸我哋會唔要，但係佢再加上調味之後，就成為左好好嘅伴碟，配埋飯一齊食，就係一個好出色嘅壽司🍣。
整體而言，我對於這餐飯，感到非常滿意。
張貼
