影片
更多
2024-10-25
210 瀏覽
餐廳以木系為主，同時亦有燈籠及仙鶴吊飾，環境坐得舒服，有好多窗邊卡檯私隱度夠高；而我哋就喜歡坐吧頭，感覺熱鬧又有氣氛之餘，師傅仲以長板將食物遞給客人，上菜方式夠哂獨特🤠。呢度嘅晚市omakase有兩款，而且仲好相宜，我哋揀咗隻較平$468/位，長阪12旬彩席間料理12品。1) 麵豉胡麻漬•鮑魚•山葵豆腐清新wasabi配上嫩滑豆腐，嫩腍鮑魚及帶少少微辣嘅爽脆胡麻漬，令到胃口大開😆。2) 赤貝•八爪魚•繡球菌赤貝鮮爽甜香，八爪魚彈牙，繡球菌爽口，配上酸香柚子醋，配搭清新👍。3) 北海道帶子配馬糞海膽• 深海池魚• 杯仔八爪魚沖繩水雲造型好靚，好有秋天氣息，杯仔八爪魚配合酸爽水雲，好夾；馬糞海膽新鮮綿密又鮮甜配搭鮮爽帶子無得輸；深海池魚爽口鮮甜又肥美，食落似啱啱新鮮劏開😋。4) 蟹肉明太子最中餅•伊達卷師傅話伊達卷係以蛋、海鮮及沙糖所做，是傳統日本美食，味道甜香鬆軟；蟹肉嘅鹹鮮配合明太子嘅鹹香再配合香脆嘅最中餅，好食😋。5) 魚子鵝肝蒸蛋將傳統嘅茶碗蒸融入創意意，用蛋殼做器皿蒸嘅蛋嫩滑，配合煎到非常香口又嫩腍嘅鵝肝及鹹香魚子，食落又滑又鮮香，相得益彰，好一隻出奇蛋🤩。6) 牛胸腹•車厘茄煙
呢度嘅晚市omakase有兩款，而且仲好相宜，我哋揀咗隻較平$468/位，長阪12旬彩席間料理12品。
1) 麵豉胡麻漬•鮑魚•山葵豆腐
清新wasabi配上嫩滑豆腐，嫩腍鮑魚及帶少少微辣嘅爽脆胡麻漬，令到胃口大開😆。
2) 赤貝•八爪魚•繡球菌
赤貝鮮爽甜香，八爪魚彈牙，繡球菌爽口，配上酸香柚子醋，配搭清新👍。
3) 北海道帶子配馬糞海膽• 深海池魚• 杯仔八爪魚沖繩水雲
造型好靚，好有秋天氣息，杯仔八爪魚配合酸爽水雲，好夾；馬糞海膽新鮮綿密又鮮甜配搭鮮爽帶子無得輸；深海池魚爽口鮮甜又肥美，食落似啱啱新鮮劏開😋。
4) 蟹肉明太子最中餅•伊達卷
師傅話伊達卷係以蛋、海鮮及沙糖所做，是傳統日本美食，味道甜香鬆軟；蟹肉嘅鹹鮮配合明太子嘅鹹香再配合香脆嘅最中餅，好食😋。
5) 魚子鵝肝蒸蛋
將傳統嘅茶碗蒸融入創意意，用蛋殼做器皿蒸嘅蛋嫩滑，配合煎到非常香口又嫩腍嘅鵝肝及鹹香魚子，食落又滑又鮮香，相得益彰，好一隻出奇蛋🤩。
6) 牛胸腹•車厘茄煙肉卷•燒雞皮
燒雞皮脆卜卜，完全唔油膩；牛胸腹牛味濃又juicy ；鹹香肥美嘅煙肉卷住多汁嘅車厘茄；食到第6道菜，道道都咁好食，而且仲越食越開胃添😍。
7) 燒三文魚鮫
魚鮫超肥美鮮甜，點少少酸醋汁或唧啲檸檬汁可減低油膩感之餘又能提升味美😆。
8) 天婦羅 松葉蟹腳•冬菇 配綠茶鹽
松葉蟹腳鮮甜多肉配超濃香綠茶鹽，好夾；而冬菇配蘿蔔蓉醬油就更能突出菇味😋。
9) 燒扇貝
即席將柚子皮刨碎，清香撲鼻，並灑上帶子面上，現場儀式感滿滿✨️。
10) 鯛魚湯
超濃又鮮甜嘅鯛魚湯，裏面仲有幾片鮮爽鯛魚及一隻脹卜卜鮮甜蜆肉，熱辣辣又好味，飲多幾碗都仲得😋。
11) 黑松露帶子炒飯
飯粒炒得粒粒分明，黑松露味香濃，帶子份量都唔少，炒得唔油膩，味道亦剛好😛。
12) 水玄餅黃豆粉黑蜜•柿• 巨峰提子梳打
晶瑩滑溜嘅水玄餅配上黃豆粉黑蜜，甜香滑溜；柿子清甜唔苦澀；巨峰提子梳打嘅賣相好搞野，要將個泡泡波刺穿，就可以品嘗到甜甜香香嘅飲品，連甜品都好有驚喜😆。
以晚市omakase $468/位有12道菜，有咁好嘅食物質素、創意、賣相及服務，而座位亦坐得好舒適，性價比非常高👍。
張貼
