寿々乃 (已搬遷) 新店位置

環境5分：樓上日本菜餐廳响銅鑼灣崇光旁邊，位置方便，入面Ｄ卡位枱夠梳，响壽司吧食Omakase最新鮮同最享受，可以畀五分。衛生5分：燈夠光，壽司廚房同吧位D枱面乾淨企理，Ｄ魚生就响面前雪櫃，夠衛生，一樣畀五分。服務5分： 一埋位就有熱茶飲，效率好高。服務員落單，加茶，埋單都十分之爽手，大師傅好專業咁每樣魚生介紹，成條魚响師傅手上面舞嚟舞去，真係大開眼界，服務當然滿分。味道5分：1)     季節前菜拼盤之中最吸引就係剝左殼嘅紅蝦仁，用wasabi吊味食落非常鮮甜新鮮，絕對想再encore。然後隔離有個炸到脆卜卜嘅川海老，連殼都可以食埋。粒丹波栗子非常之甜。正方形件蘿蔔酸酸甜甜好開胃。2)     季節清湯好精緻，打開個蓋發現有舊卷同Ｄ秋季蔬菜，卷係用東寺盛產嘅腐皮包，入面嘅蟹肉同魚肉好清好香。半碗嘅清湯就打開咗味蕾，迎接之後嘅魚生壽司。3)     薄薄四片松鰈魚魚生，上面附上金箔，非常高級同新鮮，點酸汁食特別開胃。4)     兩片厚切縞鰺魚魚生，食落非常之爽甜，估唔到生魚肉可以咁爽。5)     日本北海道水八爪魚魚生拼盤當中包括吸盤同埋八爪魚肉，好鮮甜同好特別，見到師傅攞成條八爪