影片
更多
2024-09-16
64 瀏覽
/先黎個開胃前菜，先食右邊清甜嘅北海道白粟米，再食左手邊嘅菠菜配蟹肉及胡麻醬。接住就品嘗有名嘅兵庫縣黃金武士生蠔，配上啫喱和新鮮柚子皮，鮮味濃厚而且口感清甜。季節當造嘅北海道紫針海膽，中間加入蝦蓉，再鋪上魚子醬和銀箔，層次豐富之餘，濃郁嘅海膽風味與蝦蓉嘅甜滑相得益彰。選用西班牙紅蝦，最底放有燒香嘅蝦頭膏，蝦肉嫩滑彈牙，經烤炸嘅蝦頭爽脆，成整蝦由頭到尾都可以食落肚。黎自岩手縣嘅石垣貝，加上芥末，食落新鮮肥美，肉質非常爽口彈牙。食材選用九州靖魚，稍為經過烤炙，微焦嘅外皮配上炸蒜和芽蔥，油而不膩，肉質軟腍，入口即化。用非常罕有嘅部位「腦天」 ，經燒炙烤香後配合半肥瘦嘅中拖羅，以紫蘇葉和紫菜包夾，聞落脂香四溢。紫蘇葉和紫菜正好中和腦天和拖羅嘅油膩感，達至完美平衡，更加突出食材嘅鮮味。經糖、昆布、醬油浸醃嘅鮑魚配上自家製鮑醬，口感彈牙嘅鮑魚帶有微微嘅甘甜。金鯛立鱗燒加上特別處理嘅南瓜湯分子料理，脆卜卜嘅鱗加上軟滑嘅魚肉及柔和嘅南瓜湯，多種層次配合得相當出色。壽司包括有北海道帆立貝、拖羅、赤身吞拿魚、池魚、鰈魚魚邊及北海道馬糞海膽。每一種食材都保證新鮮，味道和口感亦都係一流，絕對物超所值。最後以魚
先黎個開胃前菜，先食右邊清甜嘅北海道白粟米，再食左手邊嘅菠菜配蟹肉及胡麻醬。
接住就品嘗有名嘅兵庫縣黃金武士生蠔，配上啫喱和新鮮柚子皮，鮮味濃厚而且口感清甜。
季節當造嘅北海道紫針海膽，中間加入蝦蓉，再鋪上魚子醬和銀箔，層次豐富之餘，濃郁嘅海膽風味與蝦蓉嘅甜滑相得益彰。
選用西班牙紅蝦，最底放有燒香嘅蝦頭膏，蝦肉嫩滑彈牙，經烤炸嘅蝦頭爽脆，成整蝦由頭到尾都可以食落肚。
黎自岩手縣嘅石垣貝，加上芥末，食落新鮮肥美，肉質非常爽口彈牙。
食材選用九州靖魚，稍為經過烤炙，微焦嘅外皮配上炸蒜和芽蔥，油而不膩，肉質軟腍，入口即化。
用非常罕有嘅部位「腦天」 ，經燒炙烤香後配合半肥瘦嘅中拖羅，以紫蘇葉和紫菜包夾，聞落脂香四溢。紫蘇葉和紫菜正好中和腦天和拖羅嘅油膩感，達至完美平衡，更加突出食材嘅鮮味。
經糖、昆布、醬油浸醃嘅鮑魚配上自家製鮑醬，口感彈牙嘅鮑魚帶有微微嘅甘甜。
金鯛立鱗燒加上特別處理嘅南瓜湯分子料理，脆卜卜嘅鱗加上軟滑嘅魚肉及柔和嘅南瓜湯，多種層次配合得相當出色。
壽司包括有北海道帆立貝、拖羅、赤身吞拿魚、池魚、鰈魚魚邊及北海道馬糞海膽。每一種食材都保證新鮮，味道和口感亦都係一流，絕對物超所值。
最後以魚湯烏冬和蜜瓜結尾。魚湯以大量嘅魚和魚骨再加上豬骨熬制而成，另外加入蜜棗帶出甜味，非常可口。
張貼
